Цхинвалы колонийы цалдӕр ахӕсты бафӕлвӕрдтой сӕхи амарын

© Sputnik / Наталья АйриянЦхинвалы колони
Цхинвалы колони - Sputnik Хуссар Ирыстон
Рафыссын
Развӕлгъау информацимӕ гӕсгӕ, ахӕсттӕ сӕхи ныллыгтӕ кодтой – уыдоны аластой республикон рынчындонмӕ

ЦХИНВАЛ, 5 июн - Sputnik. Цхинвалы рӕстмӕгӕнӕн колонийы цалдӕр ахӕсты майрӕмбоны бафӕлвӕрдтой сӕхи амарын, фехъусын кодтой Sputnik Хуссар Ирыстоны барадхъахъхъӕнӕг органты.

Республикон бирӕпрофилон медицинон центры сӕйраг анезтезиолог-реаниматолог Плиты Александры ныхӕстӕм гӕсгӕ, ахӕстонӕй реанимацимӕ ныридӕгӕн ӕрбаластой цалдӕр адӕймаджы.

Мидхъуыддӕгты министрады (МХМ) фехъусын кодтой, рӕстмӕгӕнӕн колонийы кӕй ӕрцыд уӕлвӕткон цау.

"Ахӕстонмӕ ацыдысты оперативон къордтӕ, кӕцытӕ бынаты равзардзысты цауы ӕууӕлтӕ", - банысан кодта уый.

МХМ ӕмӕ Юстицийы министрады нырма нӕ фехъусын кодтой цауы лыстӕгдзинӕдтӕ.

Ног хабӕртты лентӕ
0