ЦХИНВАЛ, 15 июн – Sputnik, Козаты Диана. Ивгъуыд суткӕйы ауагътой ӕрдӕг сӕдӕмӕ ӕввахс тесты, уыдонӕй дыууӕ равдыстой вирусы уӕвынад. Инфекци рабӕрӕг кодтой уӕрӕсейаг ахуыргӕнӕндӕтты дыууӕ курсантӕн, кӕцытӕ уыдысты карантины, загъта Югосетпотребнадзоры сӕргълӕууӕджы хӕдивӕг Гаглойты Анна.
Иумӕйагӕй республикӕйы ауагътой дыууӕ минмӕ ӕввахс басгӕрсты, пандемийы райдайӕнӕй сбӕрӕг кодтой COVID-19-ӕй 78 рынчыны.
"Курсантты хсӕн сбӕрӕг кодтой дыууӕ рынчыны. Уыдон уыдысты карантины Уӕрӕсейӕ ӕрыздӕхыны фӕстӕ. Уагдоны лабораторийы иу суткӕмӕ ауагътой 49 тесты", - радзырдта Гаглойты Анна.
Республикон бирӕпрофилон медицинон центры инфекцион хайады хоскӕнынад цӕуынц 38 адӕймаджы, кӕцытӕн уый размӕ сбӕрӕг кодтой коронавирус.
Медикты хъусдарды бын сты 245 адӕймаджы, кӕцытӕ сты карантины горӕт ӕмӕ районты медицинон уагдӕтты, афтӕ ма уазӕгдон "Алан"-ы дӕр.
