Цхинвалы бавнӕлдтой хосгӕнӕн центры арӕзтадмӕ

© Sputnik / Фатима ПлиеваЦхинвалы центры бавнӕлдтой хосгӕнӕн центры арӕзтадмӕ
Цхинвалы центры бавнӕлдтой хосгӕнӕн центры арӕзтадмӕ - Sputnik Хуссар Ирыстон
Рафыссын
Объект арӕзт ӕрцӕудзӕн столицӕйы фыццаг абанайы бынаты, ныридӕгӕн зӕронд бӕстыхай цӕуы пырх

ЦХИНВАЛ, 2 июл — Sputnik, Плиты Фатимӕ. Хуссар Ирыстоны столицӕйы 8-ӕм июны уынгыл абанайы бынаты самайдзысты хосгӕнӕн центр, фехъусын кодта фидӕны центры разамонӕг, УЗИ-йы дохтыр Тасойты Аза.

Цхинвалы абана - Sputnik Хуссар Ирыстон
Цы фесты цхинвайлаг абанатӕ

Объект арӕзт ӕрцӕудзӕн столицӕйы фыццаг абанайы бынаты, ныридӕгӕн зӕронд бӕстыхай цӕуы пырх.

"Арӕзт цӕуы хосгӕнӕн центр, йӕ мидӕг та абана. Зӕххы фадыг нын лӕвӕрд ӕрцыд ахӕм домӕнтӕй, цӕмӕй горӕт ма рацух уа абанайӕ. Медицинон уагдоны абанайӕ дарддӕр уадзӕн сауна, фитнес, хосгӕгӕн физкультурӕ ӕмӕ ӕппӕт лӕггӕдтӕ, кӕцытӕ нырыккон уавӕрты сты абанаты", - загъта Тасойты Аза.

Йӕ ныхӕстӕм гӕсгӕ, арӕзтад, гӕнӕн ис, ахӕсса ӕртӕ азы бӕрц.

Цхинвалы 8-ӕм июны уынгыл уӕвӕг абана нал куыста дӕргъвӕтин рӕстӕг. Иу рӕстӕджы ма дзы скусын кодтой хӕдтулгӕты цалцӕджы центр. Фӕстаг ӕзты бӕстыхай ӕрцыд ӕдзӕллаг уавӕрмӕ, хӕлдта горӕты ӕддаг бакаст. Ныридӕгӕн ам кусы арӕзтадон техника.

© Sputnik / Фатима ПлиеваЦхинвалы центры бавнӕлдтой хосгӕнӕн центры арӕзтадмӕ
Цхинвалы бавнӕлдтой хосгӕнӕн центры арӕзтадмӕ - Sputnik Хуссар Ирыстон
Цхинвалы центры бавнӕлдтой хосгӕнӕн центры арӕзтадмӕ
Ног хабӕртты лентӕ
0