Знауыры районы дыууӕ хъӕумӕ сарӕзтой фӕндаг

© Sputnik / Фатима ПлиеваФæндаг
Фæндаг  - Sputnik Хуссар Ирыстон
Рафыссын
Цыппар километры дæргъæн хæрзвадат хуыр фæндаг ныр кæны Хъорнис æмæ Цъорбисы хъæутæм

ЦХИНВАЛ, 8 июл - Sputnik, Плиты Фатимӕ. Хуссар Ирыстоны Знауыры районы Хъорнисы ӕмӕ Цъорбисы хъӕутӕм сарӕзтой фӕндӕгтӕ. Районы цӕрӕн-коммуналон хӕдзарады службӕ ӕмбӕлон уагмӕ ӕркодта 4 километры бӕрц хъӕууон фӕндаджы уӕлцъар, фехъусын кодта Sputnik уагдоны хистӕр Дзудцаты Бимболат.

Фӕндаг рауӕрӕх кодтой, сцагътой фӕндаггӕрон къутӕр ӕмӕ дзы ныккалдтой хуыр.

"Ацы фӕндаджы цалцӕг нӕ нывӕзты нӕ уыд, фӕлӕ сарӕзтам фӕндӕгтӕ хъусдарды фӕрӕзтӕй. 3,5 километры дӕргъӕн фӕндаг уыд ӕрмӕст Хъорнис ӕмӕ Цъорбисы рдӕм. Уымӕй дарддӕр ма дыууӕ хъӕуы сыхтӕм дӕр фӕхуыздӕр кодтам бацӕуӕнтӕ", - загъта уагдоны хистӕр.

Ам куыстытӕ балхынцъы фӕстӕ та хъусдарды бын ис Принеуы хъӕумӕ инфраструктурӕ.

Уый ма бафиппайдта, ныридӕгӕн тынг ахсджиаг у доны проблемæ дӕр.

"Районы алкӕцы хъӕуы дӕр ис доны проблемæ, сур кӕнынц суадӕттӕ, кӕцыдӕр хъӕутӕм дон кӕнӕм ласгӕ", - бафтыдта уый.

Ног хабӕртты лентӕ
0