Цхинвайлаг "Барсалан"-ы футболисттӕ рамбылдтой фыццаг хъазт Дзӕуджыхъӕуы турниры

Рафыссын
Ерысты уӕлахиздзауы сбӕрӕг кӕндзысты баллтӕ банымайыны фӕстӕ. Футболистты радон хъазт ацӕудзӕн хуыцаубоны

ЦХИНВАЛ, 29 сен - Sputnik, Хъуылымбегты Зӕлинӕ. Футболон командӕ "Барсалан" рамбылдта фыццаг хъазт "Юность-2009"-ы 4:2 хыгъдӕй, фехъусын кодта Sputnik хуссарирыстойнаг футболистты тренер Хъазиты Алан.

Цхинвалы райдыдта турнир футболӕй сывӕллӕтты командӕты хсӕн - Sputnik Хуссар Ирыстон
Цхинвалы райдыдта турнир футболӕй сывӕллӕтты командӕты хсӕн

Семеновы мысӕнӕн турнир райдыдта ивгъуыд къуыри Дзӕуджыхъӕуы, Сывӕллӕтты-ӕвзӕнгты спортивон скъола "Юность"-ы.

Хуссарирыстойнаг спортсменты тренер куыд банысан кодта, афтӕмӕй сӕ кармӕ ӕнӕкӕсгӕйӕ, футболисттӕ радтой ӕвӕрццаг фӕстиуӕг. Ӕртӕ голы ныхмӕлӕууӕгӕн бакодта Хуыбиаты Сослан, иу гол та Тъехты Альберт.

"Ерысты хайад исынц авд командӕйы, турниры уӕлахиздзау уыдзӕн иууыл фылдӕр баллтӕ кӕцы командӕ ӕрӕмбырд кӕна, уый. Мах ацы аз фыццаг хатт ацыдыстӕм турнимӕ", - загъта тренер Хъазиты Алан.

Тренеры ныхӕстӕм гӕсгӕ, ӕвзонг футболисттӕ ӕрвылбон тренировкӕ кӕнынц ӕмӕ цӕттӕ кӕнынц "Спартак" командӕимӕ фембӕлдмӕ, кӕцы ацӕудзӕн ацы улӕфт бонты, 4 октябры.

Ног хабӕртты лентӕ
0