Хуссар Иры милицийы радзырдтой къуырийы дӕргъы фӕткхӕлдты тыххӕй

© Sputnik / Natalia Airiyan Милици
Милици - Sputnik Хуссар Ирыстон
Рафыссын
Барадхъахъхъӕнӕг уагдоны куыд банысан кодтой, афтӕмӕй республикӕйы ӕрцыд дыууӕ фыдракӕнд ӕмӕ дыууӕ аварийы, иу адӕймаджы та ӕркодтой бӕрнмӕ ӕхсӕнадон уагӕвӕрд фехалыны тыххӕй

ЦХИНВАЛ, 12 окт - Sputnik. Хуссар Ирыстоны ивгъуыд къуырийы дӕргъы сарӕзтӕуыд дыууӕ фыдракӕнды, иу дзы рабӕрӕг кодтой мидхъуыддӕгты органты кусджытӕ, хъусын кӕны къуырисӕры республикӕйы МХМ пресс-службӕ.

Цхинвалы хӕдтулгӕ сӕмбӕлд галыл - Sputnik Хуссар Ирыстон
Цхинвалы хӕдтулгӕ сӕмбӕлд галыл – иу адӕймаг райста буары цӕфтӕ

Уагдоны ма банысан кодтой, къуырийы дӕргъы республикӕйы фӕндӕгтыл кӕй ӕрцыд дыууӕ аварийы. Цауты фӕстиуӕгӕн дыууӕ адӕймаджы бахаудтой рынчындонмӕ алыгъуызон цӕфтимӕ.

Уымӕй дарддӕр ма ӕхсӕнадон уагӕвӕрд фехалыны тыххӕй Цхинвалы мидхъуыддӕгты управленийы кусджытӕ бӕрнмӕ ӕркодтой иу ӕмбӕстаджы.

Ивгъуыд къуыри Паддзахадон автоинспекцийы кусджытӕ сбӕрӕг кодтой фӕндагон змӕлды 221 фӕткхӕлды, фондз шофыры ныхмӕ, кӕцытӕ сӕ машинӕтӕ скъӕрдтой расыгӕй, сарӕзтӕуыд административон протоколтӕ, бафтыдтой МХМ.

Ног хабӕртты лентӕ
0