Хуссар Иры ӕхсӕнадон бынӕтты бакодтой маскӕйон режим

© Sputnik / Александр Кряжев /  Ахизын медиабанкмæАфтиаг
Афтиаг - Sputnik Хуссар Ирыстон
Рафыссын
Профилактикон мадзӕлттӕ не ‘ххӕст кӕныны тыххӕй базарадон объекттӕ ӕмӕ ӕндӕр ӕхсӕнадон уагдӕтты къухдариуӕггӕнджытӕ цӕудзысты ивар, бафӕдзӕхстой Югосетпотребнадзоры

ЦХИНВАЛ, 22 окт – Sputnik, Козаты Диана. Хуссар Ирыстоны ӕхсӕнадон бынӕттӕм нал ис гӕнӕн цӕуын ӕнӕ хъахъхъӕнӕн медицинон маскӕтӕй. Ахӕм скъуыддзаг рахаста Югосетпотребнадзор, фехъусын кодта уагдоны сӕргълӕууӕг Коцты Марина.

Йӕ ныхӕстӕм гӕсгӕ, уагдоны кусджытӕ уадзынц рейдтӕ базарадон объекты, уыдон хицӕутты ӕмӕ кусджыты фӕдзӕхсынц маскӕйон режимы ӕнӕмӕнгхъӕуӕгдзинады тыххӕй.

Коронавирус - Sputnik Хуссар Ирыстон
Хуссар Иры сбӕрӕг кодтой дыууынӕй фылдӕр рынчыны коронавирусӕй 

"Фӕстаг хатт ма сӕ фӕдзӕхсӕм, сӕхӕдӕг дӕр маскӕты кӕй хъуамӕ кусой ӕмӕ ӕлхӕнджыты дӕр ӕнӕ маскӕтӕй кӕй ма уадзой, уый тыххӕй. Маскӕйы режим халыны тыххӕй уыдон хӕсдзысты бӕрндзинад", - загъта Коцты Марина.

Сӕйраг санитарон дохтыр ма банысан кодта социалон бӕрндзинады стыр нысаниуӕг дӕр, кӕцы хъуамӕ хӕсса алкӕцы адӕймаг дӕр.

"Мах ӕрмӕст уымӕй дӕр бирӕ фӕхуыздӕр кӕндзыстӕм уавӕр. Баххуыс кӕндзыстӕм нӕ дохтыртӕн, уымӕн ӕмӕ рекомендацитӕ ӕххӕстгӕнгӕйӕ къаддӕр адӕм рынчын кӕндзӕн", - бафтыдта уый.

Республикӕйы сӕхгӕдтой карантиныл скъолатӕ, ХИПУ ӕмӕ цалдӕр сабидоны, ӕдасдзинады мадзӕлттӕ райстой бюджетон организациты, кӕцыты ис коронавирусӕй рынчынтӕ.

Ног хабӕртты лентӕ
0