Паддзахадон театр сног кодта спектакльты ӕвдыст дӕсмӕйон карантины фӕстӕ

© Sputnik / Наталья АйриянТеатр
Театр - Sputnik Хуссар Ирыстон
Рафыссын
Культурон уагдон йӕ равдыстон куыст ӕрурӕдта республикӕйы коронавирусы апарахаты тасӕй тобӕты фӕлгӕтты

ЦХИНВАЛ, 21 янв – Sputnik, Плиты Фатимӕ. Хуссар Ирыстоны паддзахадон драмон театр сног кӕндзӕн йӕ равдысттӕ. Ӕрвыл майрӕмбон ӕвдыст цӕудзысты аргъӕуттӕ сабитӕн, фехъусын кодтой Sputnik уагдоны пресс-службӕйы.

Президентон наз бӕлас Цхинвалы - Sputnik Хуссар Ирыстон
Ӕвзонг кӕсджыты театр Цхинвалы хоны чысыл актерты

Паддзахадон театр ивгъуыд азы уалдзӕгӕй фӕстӕмӕ нал ӕвдыста спектакльтӕ, коронавирусы апарахаты тасӕй цы тобӕтӕ архайдтой республикӕйы, уыдон тыххӕй, фӕлӕ уагдоны цыдысты репетицитӕ.

"Эпидемиологон уавӕр кӕй фӕхуыздӕр ис, стӕй ахуырадон уагдӕттӕ кӕй скуыстой, уый хынцгӕйӕ паддзахадон театр сног кодта йӕ равдысттӕ. Ӕрвыл майрӕмбон ӕвдыст цӕудзысты аргъӕуттӕ", - загътой пресс-службӕйы.

Паддзахадон театры репертуары ис цалдӕр спектаклы сабитӕн, сӕ нымӕцы "Домбай гӕды", "Бирӕгъ ӕмӕ тӕрхъустӕ", "Сырх худ" ӕмӕ ӕндӕртӕ.

Ног хабӕртты лентӕ
0