Транскам асыгъдӕг кодтой митӕй, трассӕ кусы хуымӕтӕг режимы - УУМ

© Sputnik / Natalia Airiyan Транскам
Транскам - Sputnik Хуссар Ирыстон, 1920, 08.02.2021
Рафыссын
Раздӕр республикӕ уӕлвӕткон министрады фехъусын кодтой, Транскамыл мит тынг кӕй уарыд, фӕлӕ фӕндагон службӕтӕ оперативонӕй асыгъдӕг кодтой трассӕ

ЦХИНВАЛ, 8 фев – Sputnik, Хъуылымбегты Азӕмӕт. Транскавказаг автомагистраль кусы штатон режимы транспорты алы хуызӕн дӕр, фехъусын кодта Sputnik УУМ радгӕсон хайады сӕргълӕууӕг Зӕгъойты Важа.

"Фӕндагыл ныртӕккӕ нал уары мит. Трассӕ гом у автомобилон змӕлдӕн, цӕуынц ыл куыд рог, афтӕ уӕзласӕн хӕдтулгӕтӕ дӕр", - загъта Зӕгъойты Важа.

Раздӕр республикӕ уӕлвӕткон министрады фехъусын кодтой, Транскамыл улӕфт бонты мит тынг кӕй уарыд, фӕлӕ фӕндагон службӕтӕ оперативонӕй асыгъдӕг кодтой трассйы хуссарирыстойнаг фадыг.

Транскавказаг автомагистраль - бӕрзондхӕххон иунӕг трассӕ, кӕцы иу кӕны Хуссар Ирыстон Уӕрӕсеимӕ. Зымӕгон рӕстӕг фӕндагыл арӕх фӕзынынц зындзинӕдтӕ митуард ӕмӕ зӕйты тыххӕй. Арӕх республикӕ фӕиппӕрт вӕййы ӕнӕхъӕн дунейӕ цалдӕр бонмӕ зӕйты ӕрцыды аххосӕй.

Ног хабӕртты лентӕ
0