Минералон дон ӕмӕ сӕн. Цы бавдисдзӕн Хуссар Ир "Продэкспо-2021"-мӕ

© Sputnik / Кирилл Каллиников /  Ахизын медиабанкмæ"Продэкспо"
Продэкспо - Sputnik Хуссар Ирыстон, 1920, 06.04.2021
Рафыссын
Хуссар Ирыстон фӕстаг азты ссис хӕлцадон продукттӕ ӕмӕ нозты Уӕрӕсе ӕмӕ Скӕсӕны Европӕйы егъаудӕр ӕсӕнадӕмон равдысты хайадисӕг

ЦХИНВАЛ, 6 апр — Sputnik, Гӕбӕраты Элина. Хуссар Ирыстон бавдисдзӕн "Продэкспо-2021"-мӕ минералон доны дыууӕ хуызы ӕмӕ бынӕттон сӕн.

Сӕндуцӕн компани Иронсӕн - Sputnik Хуссар Ирыстон, 1920, 24.12.2020
Хуссар Иры хицауад баххуыс кодта сӕндуцӕн компанийӕн 17,5 милуан сомы бӕрц

Ӕхсӕнадӕмон равдыст ацӕудзӕн Мӕскуыйы 12-16 апрелы.

Хуссар Ирыстоны базарадон минӕвар Уӕрӕсейы Таймураз Гогинов куыд фехъусын кодта Sputnik, афтӕмӕй ацы аз сӕйраг хъусдард здӕхт уыдзӕн национ хӕзнамӕ – минералон дон "Бӕгъиатӕ"-мӕ, кӕцы нывӕндынц ласын уӕрӕсейаг базармӕ.

"Уымӕй дарддӕр бавдисдзысты "Иронсӕн"-ы продукци ӕмӕ Згъубиры дон "ALANDON". Мах ныр ӕртыккаг хатт хайад исӕм национ экспозицийы сконды. Нӕ хайадисты сӕйраг нысан у Хуссар Ирыстоны популяризаци ӕмӕ республикӕмӕ инвесторты ӕрбаздахын", - загъта Гогинов.

Базарадон минӕвар бахахх кодта, "Продэкспо 2019" фӕстиуджытӕм гӕсгӕ бафыстӕуыд бадзырдтӕ, кӕцытӕм гӕсгӕ продукци ласын райдыдтой Казахстан ӕмӕ Луганскы адӕмон республикӕмӕ, афтӕ ма ӕмгуыстад кӕнынц Уӕрӕсеимӕ дӕр.

Йӕ ныхӕстӕм гӕсгӕ, хуссарирыстойнаг къухдариуӕгады политикӕ ӕмӕ республикӕйы минӕварады архайды руаджы пандеми нӕ бахъыгдардта базайрӕгты ӕрбаласт республикӕ ӕмӕ Уӕрӕсейы хсӕн.

Таймураз Гогинов бафтыдта, зӕгъгӕ, Хуссар Ирыстоны ис сӕдӕмӕ ӕввахс документы, кӕцыты руаджы ирон бизнесӕн ӕнцондӕр уыдзӕн ласын продукци Уӕрӕсейы территоримӕ.

Ног хабӕртты лентӕ
0