Хуссар Ирыстоны цӕрджытӕм ӕнхъӕлмӕ кӕсынц дӕргъвӕтин улӕфт бонтӕ

© Sputnik / Наталья Айриян концерт
 концерт  - Sputnik Хуссар Ирыстон, 1920, 27.05.2021
Рафыссын
Ацы къуыри республикӕйы цӕрджытӕ банысан кӕндзысты Хӕдбардзинад расидыны акт бафыссыны 29-ӕм афӕдзыбон

ЦХИНВАЛ, 27 май - Sputnik. Хуссар Ирыстоны сабаты, 29 майы банысан кӕндзысты Хӕдбардзинад расидыны бон, уый цытӕн республикӕйы цӕрджытӕм ӕнхъӕлмӕ кӕсынц ӕртӕ улӕфт боны. 

Ацы аз бӕрӕгбон ӕрхаудта сабатмӕ, уымӕ гӕсгӕ улӕфт бон рахастой къуырисӕрмӕ, 31 маймӕ. Уый адыл, бӕрӕгбонтӕ ӕмӕ мысӕн датӕты къӕлиндармӕ гӕсгӕ, Хуссар Ирыстоны кусӕгон ӕхсӕнад баулӕфдзӕн ӕртӕ боны фӕд-фӕдыл - 29-31 майы.

Хуссар Ирыстоны иууыл сӕйрагдӕр документтӕй иу - Хӕдбардзинад расидыны Акт - райста республикӕйы Уӕлдӕр совет 1992 азы 29 майы. Президенты барамындмӕ гӕсгӕ, ацы датӕ бахастой Хуссар Ирыстоны бӕрӕгбонтӕ ӕмӕ зӕрдылдарӕн датӕты къӕлиндармӕ.

Ног хабӕртты лентӕ
0