08:20 01 МАЙРÆМТЫ МÆЙ 2021
Комкоммӕ эфир
  • EUR86.99
  • USD73.14
Хуссар Ирыстоны
Чысыл дӕнцӕг
12 0 0

Ӕвзонг натуралисттӕм 2021 азы сезоны ӕнхъӕлмӕ кӕсы балцыты цымыдисон нывӕзт. Фӕсивӕдӕн ӕвдисынц республикӕйы фендтаг бынӕттӕ ӕмӕ сӕ зонгӕ кӕнынц историон цаутимӕ, кӕцытӕ ӕрцыдысты иу кӕнӕ иннӕ районы

ЦХИНВАЛ, 29 июн - Sputnik, Гӕбӕраты Элина. Хуссар Ирыстоны Ӕвзонг натуралистты станцы хъомылгӕнинӕгтӕн балцыты сезоны ӕрбалӕудӕй нырмӕ сарӕзтой 40-ӕй фылдӕр экскурсийы республикӕйы фендтаг бынӕттӕм. Ахуырадон уагдоны директор Мӕргъиты Ирбег куыд радзырдта Sputnik, афтӕмӕй скъоладзаутимӕ балцыты рӕстӕджы вӕййынц фӕлтӕрдджын инструктортӕ.

Республиканская станция юных натуралистов (РСЮН)
Чысыл натуралистты зонгӕ кӕнынц Хуссар Иры фенддаг ӕрдз ӕмӕ историимӕ

Натуралистты станц апрелы дӕргъвӕтин паузӕйы фӕстӕ сног кодта балцытӕ республикӕйы къуымтӕм. 2020 азы ахӕм мини-экспедицитӕ аивтой коронавирусы пандемийы тыххӕй.

"Экскурситӕ аразӕм нӕ бӕстӕйы историон бынӕттӕм. Уыдон райдыдтой уалдзӕджы ӕмӕ адарддӕр уыдзысты фӕззӕджы онг. Маршрутты картӕйыл нын ис историон бынӕттӕ ӕмӕ цымыдисон архитектурон цыртдзӕвӕнтӕ, кӕцытӕй нӕ республикӕ у хъӕзныг", - банысан кодта Мӕргъиты Ирбег.

Экскурситы фӕлгӕтты наруралисттӕ ныридӕгӕн федтой Знауыры районы цымыдисон къуымтӕ, Чеселтгомы рӕсугъддзинӕдтӕ. Уымӕй дарддӕр ма балцыты ацӕуынц Цъон, Дменис ӕмӕ Дыгъуызты хъӕутӕм дӕр.

"Нывӕзтмӕ гӕсгӕ махӕн вӕййынц фистӕг, хӕдтулгӕйыл ӕмӕ хӕццӕ балцытӕ дӕр. Фистӕгӕй ацӕуӕм ӕввахс бынӕттӕм Къусрет, Къуернет, Монастъер, Ачабет, Хеит. Вӕййы афтӕ дӕр, ӕмӕ, зӕгъӕм, Цъоны онг бацӕуӕм автобусыл, стӕй дарддӕр та фистӕгӕй", - радзырда станцы директор. 

  • Чысыл натуралистты зонгӕ кӕнынц Хуссар Иры фенддаг ӕрдз ӕмӕ историимӕ
    Чысыл натуралистты зонгӕ кӕнынц Хуссар Иры фенддаг ӕрдз ӕмӕ историимӕ
  • Чысыл натуралистты зонгӕ кӕнынц Хуссар Иры фенддаг ӕрдз ӕмӕ историимӕ
    Чысыл натуралистты зонгӕ кӕнынц Хуссар Иры фенддаг ӕрдз ӕмӕ историимӕ
  • Чысыл натуралистты зонгӕ кӕнынц Хуссар Иры фенддаг ӕрдз ӕмӕ историимӕ
    Чысыл натуралистты зонгӕ кӕнынц Хуссар Иры фенддаг ӕрдз ӕмӕ историимӕ
  • Чысыл натуралистты зонгӕ кӕнынц Хуссар Иры фенддаг ӕрдз ӕмӕ историимӕ
    Чысыл натуралистты зонгӕ кӕнынц Хуссар Иры фенддаг ӕрдз ӕмӕ историимӕ
1 / 4
Чысыл натуралистты зонгӕ кӕнынц Хуссар Иры фенддаг ӕрдз ӕмӕ историимӕ

Экскурситæ организаци цæуынц рæзгæ фæлтæры монон-фæткæвæрдон хъомыладон паддзахадон комплексон программæйы фæлгæтты проект "Балцытæ райгуырæн бæстæйы"-мæ гæсгæ.

Сӕйраг темӕтӕ