ЦХИНВАЛ, 1 июл — Sputnik, Плиты Фатимӕ. Хуссар Ирыстоны Адӕмон театр районты йӕ гастролон туры фӕлгӕтты равдисдзӕн комеди "Мӕ усы лӕг" Дзауы.
Уымӕй размӕ спектакль равдыстой Цхинвалы районы хъӕуты, фехъусын кодта Sputnik районы культурӕйы хайады хистӕр Гаглойты Ростик. Йӕ ныхӕстӕм гӕсгӕ, абоны равдысты фӕстӕ труппӕ ацӕудзӕн улӕфты.
"Улӕфты фӕстӕ рауӕрӕхгонд нывӕзтимӕ ауадздзыстӕм гастрольтӕ Хуссар Ирыстоны ӕппӕт районты стырдӕр нывӕзтимӕ", - загъта Гаглойты Ростик.
Йӕ ныхӕстӕм гӕсгӕ, Цхинвалы районы культурӕйы хайад Хуссар Ирыстоны къуымты ӕрзылдзӕн цалдӕр коллективы скондӕй.
"Районы культурӕйы дӕлбар кусы хореографион ансамбль "Амонд", сывӕллӕтты къорд "Малусӕг", адӕмон театр ӕмӕ сывӕллӕтты вокалон-инструменталон коллектив "Арвырон", - бафтыдта уый.
