Транскамыл аиуварс кодтой тӕрккъӕвда ӕмӕ тыхдымгӕйы фӕстиуджытӕ

© Sputnik / Наталья АйриянТраскам
Траскам - Sputnik Хуссар Ирыстон, 1920, 05.07.2021
Рафыссын
Къуырисӕры ӕхсӕв тӕрккъӕвда ӕмӕ тыхдымгӕ Хуссар Иры районты афӕлдӕхтой бӕлӕстӕ, Транскамы трассӕйы иу хайыл та уыд дуркӕлдтӕ

ЦХИНВАЛ, 5 июл — Sputnik, Плиты Фатимӕ. Хуссар Ирыстон ӕмӕ Уӕрӕсейы хсӕн автомагистраль кусы ӕнӕкъуыхцы, Транскамыл къуырисӕры ӕхсӕвы тӕрккъӕвдайы фӕстиуджытӕ ныридӕгӕн расыгъдӕг кодтой, фехъусын кодтой Sputnik УУМ радгӕсон службӕйы.

Знон изӕры Транскамы иу хайыл уыд тыхдымгӕ, тӕрккъӕвда ӕмӕ чысыл их, сӕ фӕстиуӕгӕн фӕндагмӕ ӕркалд дуртӕ.

"Ныридӕгӕн фӕндагон змӕлд цӕуы ӕнӕкъуыхцыйӕ. Трассӕ дуртӕй расыгъдӕг кодтой", - загътой радгӕсон службӕйы.

Уым ма бафтыдтой, Хуссар Ирыстоны районты та тыхдымгӕ кӕй рафӕлдӕхта бӕлӕстӕ.

"Горӕт ӕмӕ районты тыхдымгӕ цы бӕлӕстӕ афӕлдӕхта, уыдон коммуналон службӕтӕ аиуварс кодтой", - бафтыдтой уӕлвӕткон уагдоны.

Ног хабӕртты лентӕ
0