Паддзахадон ансамбль "Симд"-ӕн снысан кодтой ног авивадон разамонӕджы

© Из личного архива Сергея КочиеваКоцты Сергей
Коцты Сергей - Sputnik Хуссар Ирыстон, 1920, 12.08.2021
Рафыссын
Ног аивадон разамонӕджы бавдыстой Хуссар Ирыстоны паддзахадон ансамблӕн знон, уый ныридӕгӕн ауагъта фыццаг ахуыр кафджытимӕ

ЦХИНВАЛ, 12 авг – Sputnik, Гӕбӕраты Элина. Паддзахадон ансамбль "Симд"-ы аивадон разамонӕджы бынатмӕ снысан кодтой Мӕскуыйы культурӕйы институты рауагъдон, балетмейстер Коцты Сергейы, фехъусын кодтой Sputnik Хуссар Ирыстоны культурӕйы министрады.

Уый размӕ ацы бынаты куыста Гулӕрты Радион, кӕцыйы снысан кодтой аивадон разамонӕджы бынатмӕ паддзахадон ансамбль "Симд"-ы реорганизацийы фӕстӕ 2020 азы.

"Знон снысан кодтам ног аивадон разамонӕджы. Уый ныридӕгӕн ауагъта фыццаг ахуыр кафджытимӕ", - банысан кодтой Культурӕйы министрады.

Балетмейстер-хореограф Коцты Сергей фӕцис Мӕскуыйы культурӕйы институт. Куыста Санкт-Петербурджы алыгъуызон кафӕн коллективтимӕ, цы ран ӕмгуыстад кодта бирӕ профессионалтимӕ. Фӕстӕдӕр уый ӕрыздӕхт Мӕскуымӕ ӕмӕ ахуыр кодта сывӕллӕттӕн националон кӕфтытӕ, азы размӕ та ӕрцыд йӕ райгуырӕн Хуссар Ирыстонмӕ. Сергей ахуыр кодта сывӕллӕттӕн ирон кӕфтытӕ ансамбль "Зилахар"-ы

Ног хабӕртты лентӕ
0