Хуссар Ир бацахста цыппӕрӕм бынат "Танкон биатлон"-ы финалы

© Sputnik / Валерий Мельников /  Ахизын медиабанкмæХуссар Ир бацахста цыппӕрӕм бынат "Танкон биатлон"-ы финалы
Хуссар Ир бацахста цыппӕрӕм бынат Танкон биатлон-ы финалы - Sputnik Хуссар Ирыстон, 1920, 03.09.2021
Рафыссын
Хуссар Ирыстоны танкисттӕ фӕхӕрд сты ӕртӕ командӕйӕн, кӕцытӕ хайад истой конкурсы финалон эстафетӕйы – Киргизи, Таджикистан ӕмӕ Мьянма
ЦХИНВАЛ, 3 сен - Sputnik. Хуссар Ирыстоны Хъахъхъӕнынады министрады командӕ ӕртӕ экипажы скондӕй ацыд цыппӕрӕм бынатыл Ӕхсӕнадӕмон ӕфсӕддон хъӕзтыты "Танкон биатлон" конкурсы финалон эстафетӕйы, хъусын кӕны уагдоны пресс-службӕ.
Хуссар Иры ХМ командӕ рацыд Отличники войсковой разведки конкурсы ӕртӕ этапы - Sputnik Хуссар Ирыстон, 1920, 30.08.2021
Хуссар Иры ХМ командӕ рацыд "Отличники войсковой разведки" конкурсы ӕртӕ этапы
Хуссар Ирыстоны командӕ равдыста хатдзӕг 2 сахат 29 минут 09 секунд. Фыццаг бынат бацахста Киргизийы командӕ 2 сахат 16 минут 51 секунд хатдзӕгимӕ, дыккагыл ацыд Таджикистаны командӕ, кӕцы ӕрбацыд финишмӕ 2 сахат 20 минут 05 секундмӕ. Ӕртыккаг бынат та райста Мьянмайы командӕ 2 сахат 28 минут 09 секунд хатдзӕгимӕ. Командӕтӕ архайдтой "Танкон биатлон"-ы дыккаг дивизионы.
Финалист командӕтӕн кӕронбӕттӕн скъуыддзаг сӕ хатдзӕгты фӕдыл рахӕсдзысты тӕрхонгӕнджыты коллегийы рабадты фӕстӕ, банысан кодтой Хъахъхъӕнынады министрады.
Хуссарирыстойнаг командӕйы фыццаг экипажы сконды уыдысты механик-шофыр гвардийы кӕстӕр сержант Гӕджиты Георгий, наводчик-оператор гвардийы лейтенант Букъулты Дмитрий, экипажы командӕгӕнӕг гвардийы лейтенант Гобозты Сергей. Дыккаг экипажы сконды та: наводчик-оператор гвардийы хистӕр лейтенант Мамиты Алексей, танкы командӕгӕнӕг хистӕр лейтенант Дудайты Вадим, механик-шофыр Кокойты Денис. Ӕртыккаг экипажы скондмӕ бахызтысты механик-шофыр гвардийы лейтенант Къуылыхты Солтан, наводчик-оператор гвардийы лейтенант Сабанты Андрей, командӕгӕнӕг – гвардийы дӕлбулкъон Гуыбаты Таймураз.
Ног хабӕртты лентӕ
0