Цхинвалы ацæудзæн зынгӕ уӕрӕсейаг пианист Евгений Соколовскийы концерт

© instagram / evgeniy_sokolovskiyЕвгений Соколовский
Евгений Соколовский - Sputnik Хуссар Ирыстон, 1920, 06.09.2021
Рафыссын
Евгений Соколовский у Уӕрӕсейы музыкалон цӕдисы ӕмӕ авторон ӕхсӕнады уӕнг, бирӕнымӕц конкурстӕ ӕмӕ фестивальты уӕлахиздзау
ЦХИНВАЛ, 6 сен – Sputnik, Плиты Фатимӕ. Цхинвалы ацӕудзӕн зындгонд уӕрӕсейаг пианист ӕмӕ композитор Евгений Соколовскийы ралӕуд. Концерт ацӕудзӕн 14 сентябры Хуссар Ирыстоны паддзахадон театры фӕхуындмӕ гӕсгӕ, фехъусын кодтой Sputnik культурон уагдоны директор Уалыты Мӕдинӕ.
"Концертон нывӕзты уыдзӕн куыд Соколовскийӕн йӕхи композицитӕ, афтӕ номдзыд композитортӕ Бах, Бетховен, Вивальди ӕмӕ ӕндӕрты уацтӕ. Бирӕнымӕц ӕхсӕнадӕмон премиты лауреаты ӕрцыд арӕзт цӕуы Хуссар Ирыстоны Культурӕйы министрады разыдзинадӕй", - загъта Уалыты Мӕдинӕ.
Уым ма банысан кодтой, культурон бастдзинӕдтӕ кӕй фӕзындысты театры гастрольты фӕрцы.
ПДТ бавдисдзӕн спектакль Юлий Цезарь ӕппӕтуӕрӕсеон ӕхсӕнадӕмон фестивальмӕ - Sputnik Хуссар Ирыстон, 1920, 13.08.2021
ПДТ бавдисдзӕн спектакль "Юлий Цезарь" ӕппӕтуӕрӕсейон ӕхсӕнадӕмон фестивальмӕ
"Сфӕлдыстадон къорды балцыты рӕстӕджы ӕмбӕлӕм ӕмӕ бастдзинад фидар кӕнӕм культурӕйы фадыджы зындгод архайджытимӕ. Пианист йӕхӕдӕг равдыста хъӕппӕрис ӕрцӕуыны тыххӕй. Билеттӕ райсӕн ис театры кассӕйы", - загъта уый.
Евгений Соколовский у Уӕрӕсейы музыкалон цӕдисы ӕмӕ авторон ӕхсӕнады уӕнг, бирӕнымӕц конкурстӕ ӕмӕ фестивальты уӕлахиздзау.
Уый архайдта FIFA 2017 конфедерацийы Кубокы æхгæныны церемонийы, Ӕхсæнадæмон кинофестиваль "Евразийский Мост", шоу "Легенды спорта 1996-2016", "Прекрасная М" 2017 азы, "Lovesick" æмæ 2018 азы та "Timeless" , стæй ма Ӕхсæнадæмон кинофестиваль "Сталкер" æмӕ æндæрты.
Ног хабӕртты лентӕ
0