Хуссар Иры коронавирусӕй рынчын сывӕллӕттӕн бакӕндзысты хицӕн химӕисты кабинет РБМЦ-йы

© Sputnik / Natalia Airiyan Цхинвалы рынчындон
Цхинвалы рынчындон - Sputnik Хуссар Ирыстон, 1920, 24.09.2021
Рафыссын
Хӕныкъаты Лариса банысан кодта, уым ист цӕудзысты сывӕллӕттӕ, кӕцытӕм ис тӕвд, науӕд сын уыд контакттӕ коронавирусӕй рынчынтимӕ
ЦХИНВАЛ, 24 сен - Sputnik, Хъуылымбегты Азӕмӕт. Хуссар Ирыстоны республикон бирӕпрофилон медицинон центры сывӕллӕтты рынчындоны бакӕндзысты уӕлӕмхас хайад коронавирусӕй рынчын сабиты исынӕн, фехъусын кодта Sputnik сывӕллӕтты рынчындоны сӕйраг дохтыр Хӕныкъаты Лариса.
"Къуырисӕрӕй зӕронд Гуырӕн хӕдзары сылгоймӕгты консультацийы хайады 'рдыгӕй дыккӕгӕм уӕладзыгыл  скусдзӕн амбулаторон химӕисты кабинет. Уым уыдзӕн иу дохтыр медхоимӕ, ист дзы цӕудзӕн биоӕрмӕг ӕмӕ гӕнӕнуӕвгӕйӕ анализтӕ дӕр", - загъта Хӕныкъаты Лариса.
Уый ма бафтыдта, уым ист цӕудзысты сывӕллӕттӕ, кӕцытӕм ис тӕвд, науӕд сын уыд контакттӕ коронавирусӕй рынчынтимӕ.
"Уый фӕрцы мах ахицӕн кӕндзыстӕм рынчынтӕ ӕмӕ ӕнӕниз сабиты кӕрӕдзийӕ", - бафтыдта уый.
Ног хабӕртты лентӕ
0