Хуссар Иры коронавирусы ныхмӕ оперштаб райста арӕнӕвӕрдон мадзӕлттӕ

© SputnikХуссар Иры хицауад
Хуссар Иры хицауад - Sputnik Хуссар Ирыстон, 1920, 18.10.2021
Рафыссын
Дыууӕ къуыримӕ карантиныл сӕхгӕдтой скъолатӕ, сабидӕттӕ, университет, спортивон секцитӕ ӕмӕ тренажерон залтӕ, афтӕ ма иу мӕймӕ тобӕ сӕвӕрдтой чындзӕхсӕвтӕ уадзыныл
ЦХИНВАЛ, 18 окт - Sputnik, Козаты Диана. Хуссар Ирыстоны 1 ноябрьмӕ сӕхгӕндзысты карантиныл ахуырадон уагдӕттӕ, сывӕллӕтты хиирхӕфсӕн центртӕ, спортивон секцитӕ ӕмӕ тренажерон залтӕ. Скъуыддзаг рахастӕуыд къуырисӕры коронавирусы ныхмӕ оперативон штабы рабадтыл.
Дзауы рынчындон - Sputnik Хуссар Ирыстон, 1920, 14.10.2021
Дзауы районы сӕйраг дохтыр COVID-19-ы тыххӕй: уавӕр бонӕй-бонмӕ карздӕр кӕны
Хуссар Ирыстоны ӕвзӕр кӕны эпидемиологион уавӕр – фылдӕр кӕнынц коронавирусӕй фӕрынчынуӕвджытӕ ӕмӕ фӕмардуӕвджытӕ.
Оперативон штабы скъуыддзагӕй 1 декабры онг тобӕ сӕвӕрдтой чындзӕхсӕвтӕ ӕмӕ ӕндӕр бӕрӕгбонон мадзӕлттӕ уадзыныл. Тобӕ сӕвӕрдтой культурон-массон, спортивон ӕмӕ хиирхӕфсӕн мадзӕлттыл дӕр.
Афтӕ ма оперштаб рекомендаци кӕны фӕцъусдӕр кӕнын адӕмы нымӕц массон динон мадзӕлтты, зиӕнттӕм та цӕуын маскӕйы режим ӕххӕстгӕнгӕйӕ.
Куыстыты бар ис ракӕнын дистанцион режиммӕ кусджыты, кӕцытӕ хауынц тасы къордмӕ, афтӕ ма ссӕрибар кӕнын куыстӕй ныййарджыты, кӕцытӕ хъомыл кӕнынц 10 азы кары онг сывӕллӕтты.
Ӕхсӕнадон хӕлцады объекттӕм ӕрбацӕугӕ адӕмы нымӕц хъуамӕ бынӕтты 50 процентӕй фылдӕр ма уа.
Афтӕ ма республикӕйы расидтысты маскӕйы карз режим ӕхсӕнадон бынӕтты, транспорты ӕмӕ такситы. Гоймӕгтӕ, кӕцытӕ контакт кодтой коронавирусӕй рынчынтимӕ, хъуамӕ уой хиизоляцийы 14 боны дӕргъы.
Ацы домӕнтӕ ӕххӕст кӕнынмӕ йӕ хъус дардзӕн Мидхъуыддӕгты министрад.
Ног хабӕртты лентӕ
0