ЦХИНВАЛ, 27 сен — Sputnik, Плиты Фатимæ. Хуссарирыстойнаг зарæггæнæг IDARCHIK (Гаглойты Игорь) Цæцæны конкурс "Супер Звезда"-йы ахызт радон этапмæ. Вокалист ралæууыд бынæттон зарæггæнджытимæ триойы.
IDARCHIK у иунæг архайæг проекты Хуссар Ирæй, æвзарæн этапы уый бахауд Уæрæсейы сгуыхт артист Цæрикъаты Феликсы командæмæ, уæд уый ралæууыд зарæг "Тæх цæргæсау"-имæ, цы ран сиу кодта этникон æмæ скæсæн мотивтæ.
"Цыппар сфæлдыстадон къухдариуæггæнæг ис проекты, алкæцы дæр райста æзæрсты 10 хъомылгæнинаг. Ацы этапы ахуыргæнджытæ рацух сты фæйнæ дыууæ архайæгæй, æз ахызтæн радон этапмæ", – загъта Sputnik IDARCHIK.
Конкурс уадзы ПТРК "Грозный" сæ горæты мэрияимæ иумæ. Хайад дзы исынц ЦКФЗ зæрæггæнджытæ.
Жюрийы сконды сты Уæрæсейы сгуыхт артист Цæрикъаты Феликс, Дагестаны сгуыхт артист Селим Алахяров, Цæцæны адæмон артист Аминат Ахмадова æмæ Цæцæны сгуыхт артист Айна Гетагазова.
