Адæмон сфæлдыстады центр хоны сценæйы хæдахуыр актерты конкурс-фестивальмæ

© Sputnik / Наталья АйриянАдæмон сфæлдыстады центр хоны сценæйы хадахуыр актертæм конкурс-фестивальмæ
Адæмон сфæлдыстады центр хоны сценæйы хадахуыр актертæм конкурс-фестивальмæ - Sputnik Хуссар Ирыстон
Рафыссын
III Республикон фестиваль "Весь мир театр"-ы сæ бон у хайад райсын скъолаты, культурайы галуанты, лицейты, уæлдæр ахуырадон уагдæтты, сывæллæтты студиты æмæ æндæр баиугæндты труппæтæ

ЦХИНВАЛ, 3 окт — Sputnik. Плиты Фатимæ. Культурæйы министрады адæмон сфæлдыстады центр хоны хæдахуыр театрты III Республикон фестиваль "Весь мир театр"-мæ. Куырдиаттæ ист цæудзысты 15 ноябрьмæ, фехъусын кодта Sputnik центры кусæг Джаджиты Ацырухс.

Спектакль - Sputnik Хуссар Ирыстон
Хуссар Иры адӕмон театрты ‘хсӕн уагъд ӕрцӕудзӕн конкурс-фестиваль

Хуссар Иры 2019 азы расидт æрцыд ирон литературон æвзаджы бындурæвæрæг Хетæгкаты Къостайы азæй,  ацы бонты номдзыд фыссæджы райгуырдыл æххæст кæны 160 азы. Æртыккаг театралон фестивалы темæтæ уыдзысты Къоста æмæ йæ сфæлдыстады алыварс, уымæй дарддæр ма уагæвæрдмæ гæсгæ, бар ис райсын Нарты кадджытæй æрмæг.

III Республикон фестиваль "Весь мир театр"-æн хатдзæтæ скæндзысты 24 ноябры.

"Хуынд цæуынц театралон аивады кæцыфæнды хаххы хæдахуыр коллективтæ. Сæ нымæцы скъолаты, культурайы галуанты, лицейты, уæлдæр ахуырадон уагдæтты, сывæллæтты студиты æмæ æндæр баиугæндты труппæтæ. Алкæцы коллективæн дæр лæвæрд цæуы иу сахат спектакль равдисынæн", - загъта Джаджиты Ацырухс.

Ӕппæтреспубликон хæдахуыр театрты конкурс-фестиваль фыццаг хатт Хуссар Ирыстоны ацыд 2016 аз апрелы мæйы. Уæд иууыл хуыздæр спектакль бацæттæ кодта Цхинвалы скъола-интернаты драмкружок.

Ног хабӕртты лентӕ
0