"Тагъд ӕххуысы" куыст фӕрӕвдздӕр уыдзӕн машинӕты сӕрмагонд ифтонггарзимӕ

© Sputnik / Алексей КовалевСкорая помощь
Скорая помощь - Sputnik Хуссар Ирыстон
Рафыссын
Саранскы тагъд ӕххуысы дохтыр ахуыр кӕны йӕ цхинвайлаг коллегӕты рынчынтӕн фыццаг ӕххуыс кӕнын сӕрмагонд ифттонггарзимӕ тагъд ӕххуысы машинӕтыл.

ЦХИНВАЛ, 11 янв — Sputnik. Цхинвалы тагъд ӕххуысы станцы дохтыртӕ ахуыр кӕнынц ног ифтонггарзӕй пайда кӕнын уӕззау рынчынты ирвӕзын кӕнынӕн. Хуссар Ирыстоны Ӕнӕниздзинад хъахъхъӕнынад ӕмӕ социалон райрӕзты министрады фӕхуындмӕ гӕсгӕ республикӕмӕ ӕрцыд Саранскы тагъд ӕххуысы дохтыр Вадим Константинов. Марты онг уый амондзӕн цхинвайлаг тагъд ӕххуысы станцы дохтыртӕн нырыккон медицинон техникӕйӕ ифтонг тагъд ӕххуысы машинӕтыл рынчынтӕн ӕххуысы кӕныны методтӕ, радзырдта Sputnik тагъд ӕххуысы станцы сӕйраг дохтыр Хъуылымбегты Емзар.

"Фарон тагъд ӕххуысы станцӕн ӕлхӕд ӕрцыд уӕззау уавӕры рынчынты транспортировкӕйы тыххӕй ифтонггарз. Ныридӕгӕн нӕм рӕвдз ӕрцыдысты дыууӕ машинӕ. Ныртӕккӕ нӕ коллегӕ Саранскӕй, тагъд ӕххуысы машинӕтыл цы материалон базӕ ис, уый руаджы амоны манекентыл, куыд хъӕуы ӕххуыс кӕнын рынчынтӕн", — загъта Хъуылымбегты Емзар.

Тагъд ӕххуысы машинӕты ифтонггарз фӕуӕрӕхдӕр ис кардиограф, дефибриллятор, улӕфӕн аппарат ӕмӕ ӕндӕр медицинон техникӕйӕ.

Ног хӕдтулгӕтӕ фӕрӕвдздӕр кӕндзысты Цхинвалы тагъд ӕххуысы службӕйы куыст - Sputnik Хуссар Ирыстон
Ног хӕдтулгӕтӕ фӕрӕвдздӕр кӕндзысты Цхинвалы тагъд ӕххуысы службӕйы куыст

"Рынчыны цардӕн тас куы уа, куы йын уа уӕззау травмӕтӕ ӕмӕ тагъ ӕххуысы дохтыртӕм куы уа ӕнӕмӕнгхъӕуӕг ифтонггарз машинӕйы мидӕг, уӕд уый дӕтты фылдӕр фадӕттӕ адӕймаджы цард фервӕзын кӕнынӕн", — загъта сӕйраг дохтыр.

Йӕ ныхӕстӕм гӕсгӕ, уӕрӕсейаг специалистимӕ практикон ахуыртӕ уагъд цӕуынц уӕрӕсейаг стандарттӕн ӕмбӕлон ӕмӕ кадрты квалификаци фӕбӕрзонддӕр кӕныны нысанӕн.

Хъуылымбегты Емзар ма бафтыдта, уый ацы аз фӕстаг фадат кӕй нӕу дохтырты квалификаци фӕбӕрзонддӕр кӕныны тыххӕй. Марты Санкт-Петербургӕй ӕрцӕудзӕн дохтырты къорд, кӕцытӕ квалификаци фӕбӕрзонддӕр кӕныны фӕдыл ахуыртӕ рацӕуыны фӕстӕ ратдзысты ӕмбӕлон сертификаттӕ. Фӕстӕдӕр ахӕм квалификаци рацӕудзысты районты дохтыртӕ дӕр.

Ног хабӕртты лентӕ
0