Министр: Ирыстоны цæгат æмæ хуссары хсæн ис лæмæгъ æмгуыстад

© Sputnik / Наталья АйриянВладикавказ
Владикавказ - Sputnik Хуссар Ирыстон
Рафыссын
Цæгат æмæ Хуссар Ир нæ пайда кæнынц бирæ фадæттæй культурон æмæ æхсæнадон къабазы æмгуыстдзинады фæдыл

ЦХИНВАЛ, 16 май — Sputnik, Болататы Алина. Цæгат Ирыстоны националон ахастыты фарстыты фæдыл министр Цуциты Аслан нымайы, республикæ æххæстбæрцæй кæй не ′мгуыстад кæны Хуссар Ирыстонимæ культурон æмæ æхсæнадон царды кæцыдæр къабæзты.

Регионы России. Республика Северная Осетия - Алания - Sputnik Хуссар Ирыстон
Хуссары – паддзахад, цӕгаты – республикӕ: историктӕ домынц ивындзинӕдтӕ

Министры ныхæстæм гæсгæ, цæгат æмæ хуссарæн ис тынг бирæ фадæттæ, кæцытæ абоны онг нæ цæуынц реализаци, уый нымæцы культурæ æмæ зонады къабæзты. Дæнцæгæн уый æрхаста ирон æвзаджы ахуыр æмæ райрæзты фæдыл иумæйаг программæ.

"Мæ хъуыдымæ гæсгæ, ам мах æххæстбæрцæй не ′мгуыстад кæнæм… Иухатт мах ауагътам дыууæ иумæйаг æхсæнадæмон археологон экспедицийы Хуссар Ирыстоны. Хъыгагæн, ныртæккæ ацы куыст дæр урæд æрцыд… Хъæуы райдайын интеграцион процестæ культурæ, аивад, зонад, спорты къабæзтæй", — загъта Цуциты Аслан.

Уыимæ иумæ, уый равдыста ныфс, Хуссар Ирыстоны ног хицауады сырæзтимæ, республикæтæ кæй æрæвналдзысты иумæйаг проектты реализацимæ.

Ног хабӕртты лентӕ
0