ЦХИНВАЛ, 4 авг — Sputnik. Цхинвалы прокуратурæ сыхгæдта уголовон хъуыддаг ОМОН-ы кусæджы ныхмæ, кæцы фарон декабры ссис рестораны скъоладзаутимæ хылы хайадисæг, фехъусын кодта журналисттæн пресс-конференцийы рæстæджы Цхинвалы МХМ-ы сæргълæууæг Наниты Игорь.
"Уголовон хъуыддаг æхгæд æрцыд, уымæн æмæ фарсытæ бафидыдтой", — загъта Наниты Игорь.
Йæ ныхæстæм гæсгæ, ОМОН-ы кусæг æмæ скъоладзауты хылы факты фæдыл уагъд цыд мидæггагон басгæрст дæр, цæй фæстиуджытæм гæсгæ "ОМОН-ы кусæг Дочийы фыртыл æвæрд æрцыд дисциплинарон бæрндзинад".
Резонансон инцидент æрцыд ивгъуыд азы декабры мæйы цхинвайлаг ресторантæй иуы. Хуссар Ирыстоны ОМОНы кусджытæ æмæ Цхинвалы дыккæгæм скъолайы хистæр кълæсты ахуырдзауты хсæн бацайдагъ ис хыл. Хылы фæстиуæгæн 11-æм къласы ахуырдзаутæй дыууæйæ бахаудысты рынчындонмæ.
