"Растдон" Хуссар Ирыстоны райдыдта уадзын тахынæг бынæттон дзидзайæ

© Sputnik / Наталья АйриянРастдон
Растдон - Sputnik Хуссар Ирыстон
Рафыссын
Цхинвайлаг дуканиты тæрхджытыл фæзынд завод "Растдон"-ы уагъд 17 хуызы тахынæджы продукци, уыдон нымæцы сосискæтæ, сарделькæтæ. Ӕввахс мæй куыстуат нывæнды æрбакæнын фирмæйон дукани, цы ран уæй кæндзæн алыгъуызон дзидзайы продукци

ЦХИНВАЛ, 14 авг – Sputnik. Фыдызгъæлы завод "Растдон" райдыдта ифтонг кæнын цхинвайлаг дуканитæ йæ продукцийæ, радзырдта Sputnik куыстуаты гендиректор Моргуаты Константин.

Открытие завода Растдон - Sputnik Хуссар Ирыстон
Завод "Растдон" Хуссар Ирыстоны рауагъта "Нæртон"-ы фыццаг парти

Йæ ныхæстæм гæсгæ, ныртæккæ завод кусы йæ хъомысы фадæттæй æрмæстдæр се ′мбис, уымæн æмæ хъæуы сахуыр кæнын, фæлхасгæнджытæ зæрдиагæйдæр цы тæхынæгты хуызтæ агурдзысты, уый.

"Абон уадзæм 17 хуызы продукци хуыйы, стуры æмæ гогызы фыдæй. Уымæй дарддæр ма, нæ продукцийы мах пайда кæнæм бынæттон дзидзайæ. Заводмæ хæдзарон фос æрбаласынц бынæттон фермертæ. Райстам уал 30 стуры, фæлæ нæ бон у фылдæр исын", — загъта Моргуаты Константин.

Растдон - Sputnik Хуссар Ирыстон
Экскурси æмæ дегустаци: куыд байгом ис "Растдон"

Завод уал нырма уадзы тæхынæг бренд "Нæртон"-ы бын. Тагъд фæзындзæн ноджы иу бренд – "Цхинвалы дзидзайы комбинат". Ацы номимæ продукци ласт цæудзæн цæгатирыстойнаг базарадон объекттæм.

"Растдон"-ы продукци нырма ласт цæуы æрмæстдæр авд цхинвайлаг дуканитæм. Уæйгæнджыты ныхæстæм гæсгæ, уый ауæй вæййы дыууæ-æртæ бонмæ.

Куыстуат официалон æгъдауæй æрбайгом ацы аз уалдзæджы. Ацы аз июлы завод рауагъта йæ продукцийы фыццаг парти маркæ "Нæртон"-ы дæлбар.

Проекты реализацийыл бахардз 156 милуан сомы. 30 милуан сомы рахицӕн кӕндзӕн Уанеты Вадим йӕхӕдӕг. Завод сифтонг кодта куысты бынæттæй 40 адæймаджы бынæттон цæрджытæй. Заводы кусджытæ рацыдысты стажировкæ "Евродоны".

Ног хабӕртты лентӕ
0