Уæрæсейы хуссары нывгæнджытыл сæмбæлдысты Цхинвалы

© Sputnik / Диана ВалиеваСимпозиум художников юга России
Симпозиум художников юга России - Sputnik Хуссар Ирыстон
Рафыссын
Нывгæнджытæ Уæрæсейы æндæр æмæ æндæр регионтæй, кæцытæ дыууæ къуырийы куыстой Куырдтаты комы, симпозиумы кæрон фæуазæг сты Хуссар Ирмæ

ЦХИНВАЛ, 7 сен — Sputnik, Уалыты Диана. Цхинвалмæ цыппæрæмы фæуазæг сты уæрæсейы хуссар хайы нывгæнджыты æхсæнрегионалон симпозиум "Национальный колорит единой страны. Южная палитра"-йы архайджытæ. Уазджытæ бабæрæг кодтой Тугъанты Махарбеджы номыл нывгæнæн ахуыргæнæндон æмæ æруынаффæ кодтой уагдоны ахуыргæнджытимæ.

Библиотекæ - Sputnik Хуссар Ирыстон
Цхинвалмæ фæуазæг сты Уæрæсейы хуссары нывгæнджытæ

Хуссар Ирмæ æрцыдысты Уæрæсейы нывгæнджыты цæдисы нымæрдар Николай Боровской, Мæскуыйы нывгæнджыты цæдисы сæрдары хæдивæг Петр Радимов æмæ фонд "Арт-Кавказ"-ы сæрдар Николай Хлынцов.

Уазджытыл сæмбæлдысты ирон æгъдаумæ гæсгæ.

"Фыццаг хатт æрцыдтæн Хуссар Ирыстонмæ æмæ бузныг дæн афтæ хъарм нæ кæй райстой. Ирыстоны тынг мæ зæрдæмæ фæцыд æрдз. Ныфс мæ ис, уый нæ æмгуыстады райдиан кæй у", — банысан кодта Хъырымы сгуыхт нывгæнæг Николай Дудченко.

Хуссар Ирыстоны адæмон нывгæнæг Козаты Ушанг дæр бæрзонд аргъ скодта Хуссар Ир æмæ Уæрæсейы ʻхсæн аивады фадыджы æмгуыстадæн.

"Ӕз фыццæгтæй иу фæдæн каст Тугъанты Махарбеджы номыл нывгæнæн ахуыргæнæндон æмæ сæрыстыр дæн уымæй æмæ йæ ахургæнджыты профессионализмæй. Цæмæй йæ куыст ноджы размæ цæуа, уый тыххæй нæ хъæуы æмгуыст кæнын æндæр нывгæнджытимæ, цæмæй райхалæм æвзонг нывгæнджыты курдиат", — загъта уый.

Мадзалы фæстæ уазджытæ бабæрæг кодтой æвзонг нывгæнæг Ӕлборты Викторияйы куыстыты равдыст æмæ фембæлдысты æвзонг нывгæнджытимæ форум "Эксперимент и традиция"-йы.

Ног хабӕртты лентӕ
0