ЦХИНВАЛ, 13 окт — Sputnik, Босыкты Наталья. Зындгонд ирон музыкант Хъуылымбегты Сослан Мæскуыйы æрбавдыста йæ альбом "Азар", фехъусын кодта Sputnik музыкант йæхæдæг.
Ирон æвзагыл альбомы презентаци ацыд цыппæрæмы, мадзал сорганизаци кодта Уæрæсейы уæвæг Хуссар Ирыстоны минæварад.
"Алцыдæр ацыд хъарм хæларадон уавæры, уазджыты фылдæр хай уыдысты æввахс адæм, æмбæлттæ æмæ шоу "Голос"-æй коллегæтæ", — загъта Хъуылымбегты Сослан.
Музыкант загъта бузныг æппæт адæмæн, кæцытæ хайбавæрд бахастой презентаци саразын æмæ альбом ныффыссынмæ, кæцы, йæ ныхæстæм гæсгæ, уый фыста стыр фæурæдимæ 13 азы дæргъы.
Минæварады пресс-службæйы куыд банысан кодтой, афтæмæй презентацийы спонсор ссис ирон амалиуæггæнæг æмæ меценат Бибылты Игорь. Мадзалæн фæзуат рахицæн кодта "Мæскуыйы музей". Альбом "Азар"-ы ис 16 композици ирон æвзагыл – райгуырæн къуыммæ, сылгоймагмæ уарзондзинадыл æмæ хæлардзинадыл. Музыканты нывæзтты ма ис альбомы испайнаг æмæ уырыссаг æвзæгтыл верситæ ныффыссын.
