06:53 26 ХУЫМГÆНÆНЫ МÆЙ 2018
Комкоммӕ эфир
Вертолет Ми-8

Тагъд æххуысы авиаци фæзындзæн Хуссар Ирыстоны

© Sputnik / Александр Полегенько
Ног хабӕрттӕ
Чысыл дӕнцӕг
20 0 0

Хуссар Ирыстоны УУМ-ы балансмæ лæвæрд æрцыд дыууæ ирвæзынгæнæн вертолеты

ЦХИНВАЛ 22 дек— Sputnik, Плиты Этери. Хуссар Ирыстоны УУМ сифтонг кæндзысты ирвæзынгæнæн авиацийæ, ведомствæйы балансмæ лæвæрд æрцæудзæн дыууæ вертолеты, фехъусын кодта Sputnik республикæйы УУМ-ы сæргълæууæг Тадтаты Алан.

"Вертолетты уыдзæн нырыккон реанимацион ифтонггарз. Уый ратдзæн фадат рæстæгыл уæлвæткон уавæрты фæдыл мадзæлттæ райсын æмæ экстренон медико-санитарон æххуысы фарстытæ скъуыддзаг кæнын", — загъта министр.

Йæ ныхæстæм гæсгæ, рынчынты æмæ зианбаййафджыты фыццаг рæстæджы транспортировкæ кæндзысты уæрæсейаг специалисттæ, республикæйы УУМ-ы нывæзтты ис сæхи специалистты вертолетыл скъæрын сахуыр кæнын.

Тадтаты Алан ис кусæгон визитимæ Мæскуыйы, уымæн уыдзæн фембæлд Уæрæсейы УУМ-ы сæргълæууæг Владимир Пучковимæ. Ведомствæты сæргълæуджытæ æруынаффæ кæндзысты къорд фарстытыл, куыд Хуссар Ирыстоны мобилизацион резервы арæзтадæн æххуыс, афтæ ма хуссарирыстойнаг ведомствæйы техникæ æмæ зынгсирвæзтты ныхмæ фæрæзтæй ифтонагад фæбæрзонддæр кæныныл.

Сӕйраг темӕтӕ