ЦХИНВАЛ, 6 фев — Sputnik. Хуссар Ирыстоны Гарзджын тыхты хицӕн дӕлхайадты УФ-йы Гарзджын тыхты скондмӕ бацыды тыххæй сразыдзинад сратификаци кодта президент Владимир Путин, хъусын кæны РИА Новости æмбæлон документыл æнцойгæнгæйæ, кæцы мыхуыр æрцыд барадон информацийы официалон порталыл.
Документ 30 январы хорзыл банымадта хъахъхъæнынад æмæ æдасдзинады фæдыл Федерацийы Советы профилон комитет.
УФ-йы президент Владимир Путин 2017 азы кæрон бахаста Паддзахадон Думæмæ РХИ Гарзджын тыхты хицӕн дӕлхайадты УФ-йы Гарзджын тыхты скондмӕ бацыды тыххæй сразыдзинад, кæцы бафыст æрцыд 31 марты.
Хуссарирыстойнаг дæлхайæдты УФ-йы Гарзджын тыхты скондмæ бацыды бын æмбарын хъæуы уый æмæ ацы республикæйы æмбæстæгтæ службæ кæй хæсдзысты Хуссар Ирыстоны уæвæг уæрæсейаг 4-æм гвердейон æфсæддон базæйы сконды контрактмæ гæсгæ, барвæндонон бындурыл.
Уæрæсейаг æфсады рæнхъыты службæ хæссыны фæдыл контракт бафыссыны фæстæ, хуссарирыстойнаг æмбæстаг хъуамæ уæгъд æрцæуа республикон Гарзджын тыхты æффсæддон службæйæ.
Хуссарирыстойнаг фарс хъуамæ бакуса штатон-табелон документаци саразыныл, кæцы æрæмдзых цæудзæн уæрæсейаг фарсимæ æмæ уый фæстæ æрцæудзæн фидаргонд. Хуссар Ирыстоны æфсады ног организацион структурæмæ рахызт фæуыдзæн республикæйы Гарзджын тыхты сæйраг командæгæнæг æмбæлон документаци куы сфидар кæна, уый фæстæ æхсæз мæйы мидæг.
