ЦХИНВАЛ, 28 апр — Sputnik. Зарæггæнæг æмæ телеамонæг Ольга Бузовайы концерты бынат, кæцы уагъд хъуамæ æрцыдаид Дзæуджыхъæуы 29 апрелы, аивд æрцæудзæн Ессентукимæ æдасдзинады домæнтæм гæсгæ, фехъусын кодта зарæггæнæг йæ аккаунты Instagram.
"29 апрелы хъуамæ ацыдаид мæ концерт Дзæуджыхъæуы æмæ æз дзырдтон æмæ фыстон, уый кæй ацæудзæн цыфæнды уавæры дæр, уымæн æмæ хицауады æрдыгæй фæдзæхсттæм, мæ плакаттæ мын кæй стъигъынц – уыдæттæм æнæкæсгæйæ, бирæ адæмы фæндыд мæ концертмæ æрбацæуын. Фæлæ хъуыддаг уый мидæг ис æмæ нæ тасы райдыдта æппарын хицауад, æрвитынц нæм æртхъирæнтæ æмæ мах уырдæм, æвæццæгæн, нал ацæудзыстæм. Мæн нæ фæнды, цæмæй мæныл æмæ мæ коллективы уæнгтæй искæуыл исты æрцæуа", — загъта зарæггæнæг.
Дзæуджыхъæуы концертмæ билеттæ чи балхæдта, уыдоны Бузова фæхуыдта йæ концертмæ Ессентукимæ. Концертмæ чи цæуа, уыдонæн бакæндзысты сæрмагонд æнæаргъ автобустæ ЦИПУ-йæ Ессентукийы онг æмæ фæстæмæ, бафтыдта зарæггæнæг.
Уый размæ, парламенты депутат Тедеты Дзамболат æрсидт, цæмæй Бузовайы концерт Цæгат Ирыстоны ма æрцæуа уагъд.
