18:39 27 ЗÆРДÆВÆРÆНЫ МÆЙ
 2018
Комкоммӕ эфир
  • EUR72.12
  • USD61.67
Медойты Дмитрийы схорзӕхджын кодтой паддзахы бинонты номыл премийӕ

Медойты Дмитрийы схорзӕхджын кодтой паддзахы бинонты номыл премийӕ

Пресс-служба МИД РЮО
Ног хабӕрттӕ
Чысыл дӕнцӕг
10 0 0

Хорзӕхкӕныны церемони уагъд ӕрцыд Мӕскуыйы министры кусӕгон балцы рӕстӕджы

ЦХИНВАЛ, 14 май — Sputnik. Хуссар Ирыстоны фӕсарӕйнаг хъуыддӕгты министр Медойты Дмитрийы схорзӕхджын кодтой Императорон расткадон палестинон ӕхсӕнады (ИРПӔ) фыццаг сӕргълӕуджытӕй иуы, номдзыд паддзах Сергий Александры фырты премийӕ, хъусын кӕны хуссарирыстойнаг дипломатон уагдоны пресс-службӕ.

ИРПӔ-йы фыццаг сӕргълӕуджыты, номдзыд ӕлдар Сергий Александры фырт ӕмӕ ӕхсин Елизавета Федоры чызджы премитӕ уарыны церемони уагъд ӕрцыд Мӕскуыйы 11 майы.

"Бӕрӕгбонон церемонийы Медойты Дмитрийы схорзӕхджын кодтой ИРПӔ-йы премийы лауреаты диплом ӕмӕ статуэткӕйӕ "Рӕзгӕ фӕлтӕры патриотикон хъомылад"-ы номинацийы", — хъусын кӕны ФХМ.

Сергий Александры фырты номыл преми "Уӕрӕсейы ӕвзонг патриоттӕ" девизимӕ сарӕзтой номдзыд ӕлдары ӕфсӕддон ӕмӕ паддзахадон лӕггӕдты мысӕнӕн ӕмӕ йӕ дӕттынц "Рӕзгӕ фӕлтӕры патриотикон-ӕфсӕддон хъомылад"-ы номинацийы.

Главу МИД Южной Осетии наградили премией имени членов царской семьи
Пресс-служба МИД РЮО
Медойты Дмитрий

Номдзыд ӕхсин Елизавета Федоры чызджы номыл преми "Хӕлар зӕрдӕ" сарӕзтой номдзыд ӕхсины хӕрзаудӕн хъуыддӕгты мысӕнӕн "Ӕнӕхипайдӕ хи нывонд кӕнын хӕрзаудӕн хъуыддӕгтӕн ӕмӕ рӕзгӕ фӕлтӕры гуманитарон ахуырадӕн"-ы номинацийы.

Премитӕй хорзӕх кӕнынц Уӕрӕсейы ӕмӕ фӕсарӕйнаг иууыл номдзыд ӕмбӕстӕгты, ахуыры уагдонты коллективты ӕфсӕддон-патриотикон хъомылады, хӕрзаудӕн ӕмӕ рӕзгӕ фӕлтӕры гуманитарон ахуырады тыххӕй.

Сӕйраг темӕтӕ