Ирыстоны историйы чиныг рацӕудзӕн дыууӕ ӕвзагыл

© Sputnik / Наталья АйриянИрыстоны историйы чиныг рацӕудзӕн дыууӕ ӕвзагыл
Ирыстоны историйы чиныг рацӕудзӕн дыууӕ ӕвзагыл - Sputnik Хуссар Ирыстон
Рафыссын
Ахуыргӕнӕн рауагъд рацӕудзӕн сентябрьмӕ

ЦХИНВАЛ, 20 фев — Sputnik, Плиты Фатимӕ. Хуссар Ирыстоны скъолатӕ ног 2019-2020 ахуыры азы райсдзысты Ирыстоны истори ног чиныг. Рауагъд мыхуыр ӕрцӕудзӕн уырыссаг ӕмӕ ирон ӕвзӕгтыл, фехъусын кодта Sputnik Зонадон-иртасӕн институты директор Гаглойты Роберт.

Ахуыргӕндтӕ ӕрдзурдзысты Ирыстоны истори ӕмӕ культурӕйыл

Хуссар Иры истори чиныгыл куыст цӕуы ныр цалдӕр азы дӕргъы.

"Чиныгыл куыст рахызт кӕронбӕттӕн этапмӕ. Ныридӕгӕн ӕххӕст текст лӕвӕрд ӕрцыд Хъоцыты Дианамӕ версткӕмӕ . Уый фӕстӕ ма йӕм ӕркӕсдзӕн Ахуырады министрад ӕмӕ уый фӕстӕ рцӕудзӕн мыхуыр", - загъта Гаглойты Роберт.

Йӕ ныхӕстӕм гӕсгӕ, чиныг хъуамӕ рацӕуа хицӕнтӕй дыууӕ паддзахадон ӕвзагыл дӕр - ирон ӕмӕ уырыссагау, тӕлмацыл ныридӕгӕн куыст цӕуы.

"Чизоны нӕм фидӕны фӕзына мадӕлон ӕвзагыл ахуыры процесс цы гимназийы цӕуа, ахӕм. Уый хынцгӕйӕ чиныг хъӕуы рауадзын ирон ӕвзагыл. Текст ивынц ирон литературӕйы профессор Плиты Гацыр ӕмӕ Паддзахадон телеуынынады кусӕг Бестауты Юля", - бафтыдта уый.

Чиныгмӕ бацыдысты ирон адӕмы историон райрӕзты алкӕцы период дӕр, дуры эпохӕйӕ райдайгӕйӕ суанг 2008 азы онг. Куыстой йыл историктӕ Гаглойты Роберт, Гаглойты Юрий, Джиоты Мурӕт, Пухаты Къоста, Гаглойты Ирина ӕмӕ Джиоты Зӕлинӕ.

Ног хабӕртты лентӕ
0