Ацы уалдзӕджы ӕнӕ графикӕй: Хуссар Иры столицæйы фæхуыздæр ис нуазыны доны уавæр

© luminaconceptslightingХуссар Иры столицæйы фæхуыздæр ис доны уавæр
Хуссар Иры столицæйы фæхуыздæр ис доны уавæр - Sputnik Хуссар Ирыстон, 1920, 14.04.2021
Рафыссын
"Водоканал"-ы информацимӕ гӕсгӕ, уалдзӕджы-иу столицӕмӕ донифтонгад цыд графикмӕ гӕсгӕ, ацы аз сӕрмагонд нывӕзтмӕ ракодтой ӕрмӕст Дзау ӕмӕ Цхинвалы цӕгаттаг микрорайонтӕ

ЦХИНВАЛ, 14 апр - Sputnik, Плиты Фатимӕ. Хуссар Ирыстоны столицӕйы ацы аз уалдзæджы нуазыны доны проблемӕ актуалон нӕ уыдзӕн. Цхинвалы 70 проценты бæрц ифтонг кæнын райдыдта ног "Уанат-Цхинвалы" донхаххӕй, уый тыххӕй Sputnik фехъусын кодта "Водоканал"-ы генералон директоры хӕдивӕг Джиоты Инга.

Дон - Sputnik Хуссар Ирыстон, 1920, 28.01.2021
Цхинвалы уынгтӕй сӕ иуыл доны гъӕды басгӕрсты рӕстӕджы рабӕрӕг ис санитарон домӕнты фехӕлд

Фӕстаг цалдӕр боны столицӕйы кӕцыдӕр районты рацыд змӕст дон. Уагдоны информацимæ гæсгæ, доны уавæр æдзух бæрæг кæнынц специалисттæ.

"Ацы афоны дӕттӕ размӕнтынц. Брытъаты гом хахх уалдзæджы бынтондӕр ахицӕн кӕнӕм, фӕлӕ Едысы дон дӕр чысыл размӕст. Уымæ гæсгæ фæзынд проблемæтæ кæцыдæр районты", - бамбарын кодта аххосаг уый.

Джиоты Ингайы ныхӕстӕм гӕсгӕ, столицӕ ацы уалдзӕджы раздӕры хуызӕн проблемӕтӕ кæй нал æвзардзӕн.

"Раздæр æзты-иу уалдзæджы куыстам графикмӕ гӕсгӕ, ныр нæ Уанаты дон ирвӕзын кӕны, уымæ гæсгæ нуазыны доны цухдзинады проблемæ дӕр афтӕ актуалон нал у. Горӕты цӕрджыты 70 проценты ныр дон исынц Уанаты хаххӕй, уый суткӕ дӕтты 12 мин кубы", - радзырдта уый.

"Водоканал"-ы генералон директоры хӕдивӕг бафтыдта, ацы аз сӕрмагонд нывӕзтмӕ кӕй ракодтой ӕрмӕст Дзау ӕмӕ Цхинвалы цӕгаттаг микрорайонтӕ. Уым дӕр дон ӕрлӕууы ӕрмӕст ӕнафоны - ӕхсӕв фыццаг сахатӕй райсом ӕхсӕзмӕ.

Ног хабӕртты лентӕ
0