Футболон клуб "Алани"-йы æнусон юбилейæн Дзæуджыхъæуы снывонд кодтой ног граффити

© Photo : 15 регионФутболон клуб "Алани"-йы æнусон юбилейæн Дзæуджыхъæуы снывонд кодтой ног граффити
Футболон клуб Алани-йы æнусон юбилейæн Дзæуджыхъæуы снывонд кодтой ног граффити - Sputnik Хуссар Ирыстон, 1920, 18.08.2021
Рафыссын
Ацы аз "Алани"-йыл æххæст кæны 100 азы. Æввахс рæстæджы клубы юбилеймæ бацæттæ уыдзæн киноныв, амынд кинонывы æвдыст æрцæудзæн Булгаковимæ граффити дæр

ЦХИНВАЛ, 18 авг — Sputnik. Дзæуджыхъæуы республикон стадион "Спартак"-ы бацæуæны футболон клуб "Алани"-йы сæдæ азы бонмæ фæзынд граффити Михаил Булгаковы портрет æмæ йæ раныхасимæ: "Ацы сахары байгом ис клуб номдзыд фидæнимæ". Уый тыххæй хъусын кæны 15 регион.

Арт-объектыл куыста нывгæнæг Цæгæраты Давид.

Дзӕуджыхъӕуы фӕзынд тӕхӕг Кобылты Сергейы граффити - Sputnik Хуссар Ирыстон, 1920, 12.08.2019
Дзӕуджыхъӕуы фӕзынд тӕхӕг Кобылты Сергейы граффити

"Ацы аз нæ уарзон "Алани"-йыл æххæст кæны 100 азы. Æввахс рæстæджы клубы юбилеймæ бацæттæ уыдзæн киноныв, амынд кинонывы æвдыст æрцæудзæн Булгаковимæ граффити дæр. Йæ автобиографион уацау "Записки на манжетах"-ы (амынд уацмысы нывæфтыд цæуы фыссæджы цард Дзæуджыхъæуы) Булгаков дзуры, фæстæдæр "Алани" чи сси, уыцы футболон командæйы фыццаг хъазт куыд бабæрæг кодта, уый", – радзырдта "15-æм Регион"-æн нывгæнæг.

Фæбæрæг кæнын хъæуы, номдзыд уырыссаг фыссæг æмæ драматургы ныхæстæ æцæг разындысты. Йæ сæдæ азы историйы дæргъы ирон клубы къухы бафтыд бирæ æнтыстытæ, уыцы æнтыстыты бындурыл клуб æвæрд цæуы бæстæйы æппæты титулджындæр клубты рæнхъы.

Ног хабӕртты лентӕ
0