Фондзазон куыстлæуды фæстæ "Мæскуыйаг" микрорайоны байгом базарадон центр

© Sputnik / Руслан Тадтаев "Мæскуыйаг" микрорайоны базарадон центр
Мæскуыйаг микрорайоны базарадон центр - Sputnik Хуссар Ирыстон
Рафыссын
Базарадон центр арæзт æрцыд 2010 азы микрорайоны арæзтады рæстæджы, фæлæ Цхинвалы мэрияйы балансмæ райст æрцыд иу азы размæ. Базарадон объект арендæйы райста амалиуæггæнджыты къорд.

ЦХИНВАЛ, 7 дек — Sputnik, Тадтаты Андрей. "Мæскуыйаг" микрорайоны байгом базарадон центр. Микрорайоны ацы дукани у фыццаг.

Микрорайон арæзт æрцыд 2010 азы, фæлæ Цхинвалы мэрийы балансыл сæвæрдтой иу азы размæ. Уымæ гæсгæ базарадон центр нæ куыста бирæ рæстæг æмæ йæ амалиуæггæнджытæн раттыны фадат фæзынд æрмæстдæр цалдæр мæйы размæ.

"Базарадон центры арендæйы фæдыл документтæ кæронмæ арæзт нæма сты, фæлæ бынæттон цæрджыты æнцойуатæн ныридæгæн æрцыд конд", — фехъусын кодтой Sputnik горæты администрацийы пресс-службæйы.

© Sputnik / Руслан Тадтаев"Мæскуыйаг" микрорайоны базарадон центр
Торгцентр в микрорайоне Московский  - Sputnik Хуссар Ирыстон
"Мæскуыйаг" микрорайоны базарадон центр

Базарадон объект арендæйы райста амалиуæггæнджыты къорд, кусы æрмæстдæр дыккаг бон, базайраг алы хайадтæм нæма æрбаластой, ныридæгæн уал дзы кусы дзидзайы хайад, уæй дзы кæнынц хæлцы продукттæ, цардуагон хими, сывæллæтты хъазæнтæ. Кусы цæттæ къæбиц.

"Базарадон центр байгом, фæлæ базайрагæй кæронмæ нæма байдзаг. Уымæй дарддæр ма базарадон бынæттæ кæронмæ хæрзарæзт нæма сты. Ифтонггарз иууылдæр ардæм æрбаластой арæзтады рæстæджы, суанг уазалгæнæнты онг. Ифтонггарз ис тынг хорз уавæры, куыстæн ис алы уавæр дæр", — дзуры арендæйы исджытæй иу — Гæззаты Мадинæ.

Йæ ныхæстæм гæсгæ, дуканийы ис аслам æргътæ. Бирæ базайрæгты æргътæ дзы горæты иуæй-иу дуканитимæ абаргæйæ сты асламдæр.

"Фæлхасгæнджытæ нæм цæуын райдыдтой, микрорайонæн йæхи дукани кæй ис, уымæй сты тынг райгонд", — бафтыдта амалиуæггæнæг.

Раздæр "Мæскуыйаг" микрорайоны цæрджытæ æлхæнынмæ цыдысты хæстæг микрорайон "БАМ"-мæ, науæд та фæстауæрц кодтой горæты центры.

"Ныр æлхæнынмæ дард цæуын нал хъæудзæн, ныфс нæ ис, нæ ассортимент уæрæх кæй уыдзæн. Уый ис æрмæст бынæттон цæрджыты нæ, фæлæ ис амалиуæггæнджыты интересты дæр",- дзуры микрорайоны цæрæг Михаил.

"Мæскуыйаг" микрорайон райдыдтой аразын 2008 азы августы хæсты фæстæ Мæскуыйы хицауады уынаффæмæ гæсгæ, кæцы ацы арæзтадæн рахицæн кодта 2,5 миллиард сомы. Дыууæ азы мидæг Цхинвалы цæгатгæрон арæзт æрцыд 189 коттеджы æмæ аст 17-фатерон корпусы, афтæ ма скъола, дыууæ сабидоны, базарадон æмæ æнæниздзинадфидаргæнæн комплекстæ.

Ног хабӕртты лентӕ
0