"Удæгас дон": Хуссар Иры бæрзонд хæххон хъæуы аразынц доны завод

© Sputnik / Наталья АйриянДонуадзæн завод Едысы
Донуадзæн завод Едысы - Sputnik Хуссар Ирыстон
Рафыссын
Бардарджытæ ныфс дæттынц, 1200 кв метры тыгъдадыл кæй скусдзæн доны рауагъдад, ирон дон хæццæ кæндзæн Уæрæсе æмæ Швейцаримæ, уымæй дарддæр ма завод царды комулæфт бауадздзæн æдзæрæг хъæумæ

ЦХИНВАЛ, 30 окт — Sputnik, Плиты Фатимæ. Хуссар Ирыстоны Урс Туалты комы бæрзонд хæххон хъæу Едысы фæудхъус у суадоны доны рауагъдады завод "Едис"-ы арӕзтад. Фидæны гуырахстджын объект нывӕзтмæ гæсгæ минуты мидæг хъуамæ уадза 6 мин авджы дон.

Удӕгас дон

Заводы куыстытӕ сты сæ тæмæны, иу чысыл фæз бынаты сырæзт егъау бæстыхай, ифтонгады фылдæр хай сты бынаты. Цалдæр къуыримæ сæудæджерадон объект уыдзæн цæттæ. Фидæны рауагъдадæн къухдариуæгад дæтдзæн раздæры "Бæгъиаты" заводы директор Тедеты Роланд.

"Дон уагъд цӕудзӕн дыууæ хуызы — 0,5 æмæ 1 литр авгæй тарæйы. Донæн уыдзæн иттæг хорз гъæд. Ифтонгады иу хай ис бынаты. Кæд нæ ницы фæкъуылымпы кæна, уæд ног азмæ хъуамæ фынгыл уа Едысы дон", — загъта Тедеты Роланд.

Уый ма радзырдта, завод кӕй уадздзæн "удӕгас дон" — цæудзæн комкоммæ суадонæй авгмæ.

© Sputnik / Наталья АйриянДонуадзæн завод Едысы
Завод по производству воды в Едыс - Sputnik Хуссар Ирыстон
Донуадзæн завод Едысы

Историон бæрæггæнæнтæм гæсгæ, ХVII ӕнусы кæрон Уæрæсейы паддзах Петр I-йæн йæ зæрдæ балхæдта ирон бæгæны, æмæ уый бацымыдис кодта йæ саразыны сусæгдзинæдтæ, æгæрыстæмæй бæгæныфыцæджы дæр акодта Ирыстонæй. Иууыл фæстаг дон дæр аластой Ирыстонæй, фæлæ уæддæр хъæугæ нозт нæ райстой, афтæ дзуры фыдæлты таурæгъ.

Нырыккон иртасджытæ та дзурынц, зӕгъгӕ, фæндагыл дон йæ миниуджытæ кӕй фесафы, уый мидæг ис Петры бæгæныйы къуыхцы дæр.

© Sputnik / Наталья АйриянДонуадзæн завод Едысы
Завод по производству воды в Едыс - Sputnik Хуссар Ирыстон
Донуадзæн завод Едысы
Уымæ гæсгæ, амалиуæгады хицау Кокойты Алан æмæ йæ директор Тедеты Роланд аскъуыддзаг кодтой сæ завод саразын бæрзонд хæххон хъæуы, суадоны уæлæ.

"Завод æвæрд цæуы зынвадат бынаты, йæ хæрдзтæ стыр сты. Республикон трассæмæ йæ дæрддзæф у 12 километры. Фæлæ ацы дон æндæр бынатмæ куы ласæм, уæд уый сафдзæн йе ʻууæлтæ. Уымæ гӕсгӕ йӕ аскъуыддзаг кодтам ам уадзын", — бафтыдта Тедеты Роланд.

© Sputnik / Наталья АйриянДонуадзæн завод Едысы
Завод по производству воды в Едыс - Sputnik Хуссар Ирыстон
Донуадзæн завод Едысы

Ӕдзӕрӕг хъӕуы ног комулӕфт

Ныридæгæн Едысы хъæу федзæрæг, ам ма ӕппынӕдзух цæры æртæ хæдзары. Фæлæ хæххон хъæуӕй, цы ран фæз зæххытæ сты стæм, раджы чи фæлыгъд Цхинвал æмæ Дзæуджыхъæумæ хъуыздæр цардагур, уыдон ныр сæ фыдæлты уæзгуытæ дих кæнынмæ фесты.

"Куыддæр заводы арæзтадмæ бавнæлдтам, афтæ сæ хæдзæрттæ райдыдтой цалцæг кæнын, кæмдæрты æрӕвæрдтой хæдзарæн бындуртæ. Заводы скуыстимӕ хъӕу дӕр раудгас уыдзӕн", — нымайы Тедеты Роланд.

Иууыл ахсджиагдӕр — куысты бынӕттӕ

Фидӕны заводы къухдариуӕгады нывӕзтмӕ гӕсгӕ, фыццаг рæстæджы амалиуӕгады архайдзысты 15 кусæджы бæрц. Ныртӕккӕ дӕр сӕм арӕзтады кусынц бынӕттонтӕй чидӕртӕ. Хъæуы стæм цæрджытæ дæр "сыхаг" арæзтадыл цинӕй не ‘фсӕдынц.

"Заводмæ бацыдтӕн хъахъхъæнæгæй кусынмæ. Кæй зæгъын æй хъæуы, рауагъдады специалисттæ, æвæццæгæн, кæнгæ ‘рбакӕндзысты, фæлæ дзы мах аккаг куыст дæр уыдзæн. Стæй нæ хъæуы æдзух уазджытæ сты арс æмæ бирæгътæ, ныр та нæм фæзындзæн адæм дæр", — дзуры Едысы цæрæг Дзесты Игорь.

Уӕрӕсе ӕмӕ Швейцари басӕттын

Донрауагъды хицæуæттæ сæ продукцийы фылдæр хай фидӕны хъавынц æрвитын фæсарæнтæм. Уыдон уырны, Едысаг ирон дон Уæрæсе æмæ Швейцарийы базарты йæхи бынат кӕй бацахсдзӕн.

© Sputnik / Наталья АйриянДонуадзæн завод Едысы
Завод по производству воды в Едыс - Sputnik Хуссар Ирыстон
Донуадзæн завод Едысы

"Разуæлгъау сразыдзинæдтæ нын ис фидаргонд. Швейцарийæ Уæрæсемæ цæуы импорт, йæхæдæг та уадиссаг ницы экспорт кæны, уымæ гæсгæ уæзластæнтæ цæуынц фылдæр афтидæй. Уымӕ гӕсгӕ, нæ доны экспортировкæ лæудзæн аслам", — радзырдта сæ нывæзты тыххæй амалиуæгад "Натурплант"-ы хицау Кокойты Алан.

Ис зындзинӕдтӕ, фӕлӕ сын аскъуыддзаггӕнӕн дӕр ис

Амалиуӕггӕнӕг ма банысан кодта проблемӕтӕ ӕмӕ зындзинӕдтӕ дӕр. Йӕ ныхӕстӕм гӕсгӕ, ныридæгæн заводы скуыст къуыхцы кæны электроэнерги.

"Электроэнерги егъау гуырахстӕй хъæуы, уый тыххæй сæрмагонд трансформатор сæвæрдзыстæм. Æнхъæлмæ кæсæм УФ Цæгат Кавказы хъуыддæгты фæдыл министрадмæ, кæцы хъуамæ алыг кæна рухсы фарст", — загъта Кокойты Алан.

© Sputnik / Наталья АйриянДонуадзæн завод Едысы
Завод по производству воды в Едыс - Sputnik Хуссар Ирыстон
Донуадзæн завод Едысы

Дарддӕр — хуыздӕр

Фыццаг уал срæвдз кæндзысты суадоны доны рауагъдад, фæстæдæр доны рауагъдадмæ бафтдзæн рог газгонд дон, стæй та адджын дон дæр.

"Тынг бирæ баззайы дыргъ хъæуты цæржытæм æмæ сын ӕнæхъуаджы фӕвæййынц. Ацы дыргъ исдзыстæм æмæ натуралон лимонад уадздзыстæм", — бафтыдта уый.

Арæзтадмæ бавнæлдтой ацы аз апрелы, финансон фæрæзты хай хицæн æрцыд Инвестицион нывæзты фæлгæтты, аннæтæ баххæст кодта инвестор.

© Sputnik / Наталья АйриянДонуадзæн завод Едысы
Донуадзæн завод Едысы - Sputnik Хуссар Ирыстон
1/6
Донуадзæн завод Едысы
© Sputnik / Наталья АйриянДонуадзæн завод Едысы
Донуадзæн завод Едысы - Sputnik Хуссар Ирыстон
2/6
Донуадзæн завод Едысы
© Sputnik / Наталья АйриянДонуадзæн завод Едысы
Донуадзæн завод Едысы - Sputnik Хуссар Ирыстон
3/6
Донуадзæн завод Едысы
© Sputnik / Наталья АйриянДонуадзæн завод Едысы
Донуадзæн завод Едысы - Sputnik Хуссар Ирыстон
4/6
Донуадзæн завод Едысы
© Sputnik / Наталья АйриянДонуадзæн завод Едысы
Донуадзæн завод Едысы - Sputnik Хуссар Ирыстон
5/6
Донуадзæн завод Едысы
© Sputnik / Наталья АйриянДонуадзæн завод Едысы
Донуадзæн завод Едысы - Sputnik Хуссар Ирыстон
6/6
Донуадзæн завод Едысы
1/6
Донуадзæн завод Едысы
2/6
Донуадзæн завод Едысы
3/6
Донуадзæн завод Едысы
4/6
Донуадзæн завод Едысы
5/6
Донуадзæн завод Едысы
6/6
Донуадзæн завод Едысы
Ног хабӕртты лентӕ
0