Актер, поэт æмæ хæсты хъайтартæ: кæмæн фæлдисынц суадæттæ Хуссар Иры

© Sputnik / Наталья АйриянКæмæн фæлдисынц суадæттæ Хуссар Иры
Кæмæн фæлдисынц суадæттæ Хуссар Иры - Sputnik Хуссар Ирыстон
Рафыссын
Ахуыргæндты хъуыдымæ гæсгæ, суадæттæ фæлдисыны æгъау ирон адæммæ ис раг замантæй, доны гуырæнтæ нывонд кодтой нæлгоймæгтæн, стæмдæр хатт та дзырддзæугæ сылгоймæгтæн

ЦХИНВАЛ, 4 мар — Sputnik, Плиты Фатимæ. Хуссар Ирыстоны фæндаггæрæтты тынг арæх æмбæлынц фæлдыст суадæттæ æмæ цыртытæ. Æрмæст 40 километры дæргъæн трассæ Гуфта-Къуаисайыл дзы банымайæн ис дæсы бæрц. Ацы æгъдау æрцæуæггæгты бафтауы дисы, фæцымыдис сæ кæны, кæмæн æмæ цæй тыххæй фæфæлдисынц суадæттæ Ирыстоны.

Цхинвал-Къуаисайы фæндаггæрон йæ бинонты хъæппæрисæй цырт самадтой Хуссар Ирыстоны æмæ Цæгат Ирыстоны сгуыхт артист, ПДТ курдиатджын актер Багаты Георгийæн. Цырты бынмæ сыр-сыргæнгæйæ уайы суадоны дон. Актерæн ныффæлдыстой суадон йæ райгуырæн хъæу Хъемултамæ хæстæг.

Трассæйы кæрæтты кæрæдзи ивынц цыртытæ æмæ суадæттимæ цыртытæ, сæ фылдæрыл уæлфыстытæ æрмæстдæр хъусын кæнынц ном, мыггаг, фыды ном æмæ йæ царды æмгъуыд. Се ʻхсæн сты зындгонд гоймæгтæ æмæ фæндагон-транспортон цауты бабынуæвджытæ - Тедеты Ваня, Бязырты Эдик, Бæззаты Мурæт æмæ æндæртæ.

© Sputnik / Наталья АйриянФæлдыст суадæттæ
Актер, поэт æмæ хæсты хъайтартæ: кæмæн фæлдисынц суадæттæ Хуссар Иры - Sputnik Хуссар Ирыстон
Фæлдыст суадæттæ

Елхъанты хъæумæ хæстæг суадоны сæрмæ æфсæн цыртыл зыны æнæкæрон нæмтты номхыгъд, ам суадон ныффæлдыстой æрмæст иу мыггаджы - Багаты -минæвæрттæн, кæцытæ нал æрæздæхтысты Стыр Фыдыбæстæйон хæсты быдырæй.

"Стыр Фыдыбæстæйон хæсты ирон адæмы сгуыхтдзинадмæ ис нæ мыггаджы хайбавæрд дæр. Уæлдай уый мæ зæрдыл æрлæууы Къуаисамæ фæндагыл. Елхъанты хъæумæ хæстæг ныффæлдыстой суадон нæ мыггагæй хæсты амæттаг чи бацис, уыцы фæсивæдæн, сæ нымæц ахызт 20-æй", - радзыдта Багаты Марат.

Къуыдаргомы къæсæрыл къуылдмæй фæлгæсы Ирыстоны XX-æм æнусы хуыздæр поэттæй иу Хаджеты Таймуразы цырт. Ам райгуырдысты æмæ сæ сабибонтæ арвыстой Ирыстоны дыууæ зындгонд гоймаджы - æфсымæртæ Джусойты Нафи æмæ Таймураз, фæстаджы Ирыстоны зонынц "Хаджеты"-йæ. Поэт йæ фидæн куы сбаста литературæимæ, уæд райста псевдоним Хаджеты.

© Sputnik / Наталья АйриянПоэт Хаджеты Таймураз
Актер, поэт æмæ хæсты хъайтартæ: кæмæн фæлдисынц суадæттæ Хуссар Иры - Sputnik Хуссар Ирыстон
Поэт Хаджеты Таймураз

Историон зонæдты кандидат, этнограф Хъуылымбегты Роберты Роберты ныхæстæм гæсгæ, ирон адæмы фыдæлтæм фæлдисын уыд тынг кадджын хъуыддаг.

"Аæймаг-иу куы амард, уæд йæ номыл арæзтой цырт æмæ зарæг, цæмæй йæ ном баззайа. Ирон адæмы æмбарынады ма баззад фæлдыст суадон. Суадон у сыгъдæг æмæ марды номарæн хъуамæ уа сыгъдæг. Суадæттæ фæлдыстой нæлгоймагæн, стæм хатт разагъта сылгоймæгтæн", - загъта ахуыргонд.

Уый ма бафиппайдта, фæлдыст суадæтты цур раздæр кæй не ʻвæрдтой цыртытæ.

"Раздæр цыртытæ не ʻвæрдтой фæлдыст суадæттыл, æгæрыстæмæй уæлмæрдты дæр нæ уыдысты. Цыртытæ та æвæрдтой хъæумæ бахизæны, цæмæй сæ цæуæг уына æмæ сæ йæ зæрдыл дара. Бæрзонд Дыгуры алыхатт дæр уыд афтæ", - бафтыдта уый.

© Sputnik / Наталья АйриянФæлдыст суадæттæ
Фæлдыст суадæттæ - Sputnik Хуссар Ирыстон
1/6
Фæлдыст суадæттæ
© Sputnik / Наталья АйриянФæлдыст суадæттæ
Фæлдыст суадæттæ - Sputnik Хуссар Ирыстон
2/6
Фæлдыст суадæттæ
© Sputnik / Наталья АйриянФæлдыст суадæттæ
Фæлдыст суадæттæ - Sputnik Хуссар Ирыстон
3/6
Фæлдыст суадæттæ
© Sputnik / Наталья АйриянФæлдыст суадæттæ
Фæлдыст суадæттæ - Sputnik Хуссар Ирыстон
4/6
Фæлдыст суадæттæ
© Sputnik / Наталья АйриянФæлдыст суадæттæ
Фæлдыст суадæттæ - Sputnik Хуссар Ирыстон
5/6
Фæлдыст суадæттæ
© Sputnik / Наталья Айриян Фæлдыст суадæттæ
Фæлдыст суадæттæ - Sputnik Хуссар Ирыстон
6/6
Фæлдыст суадæттæ
1/6
Фæлдыст суадæттæ
2/6
Фæлдыст суадæттæ
3/6
Фæлдыст суадæттæ
4/6
Фæлдыст суадæттæ
5/6
Фæлдыст суадæттæ
6/6
Фæлдыст суадæттæ

Хъуылымбегты Роберт ма банысан кодта, ингæныл цырт æвæрыны æгъдау кæй æрбахызт чырыстон дины апарахаты рæстæджы, XVIII æнусы.

Фæлдыст суадæттæ æрмæст ацы трассæйыл не ʻсты, Ирыстоны алы кæмтты дæр æмбæлынц. Уыдонæй се ʻппæтыл дæр цыртытæ нæй, фæлæ сæ адæм зонынц, кæй номыл сты.

Ног хабӕртты лентӕ
0