ЦХИНВАЛ, 7 дек — Sputnik. Цӕгатирыстойнаг спортсментӕ Албегты Руслан, Хуыгаты Хетæг æмæ Наниты Тимур сæ тыхтæ бавзардзысты уæззау атлетикæйæ V Уӕрӕсейы президенты Кубок рамбулыны ерысты, хъусын кӕны РЦИ-Аланийы фӕсивӕд ӕмӕ спорты министрад.
Спортивон мадзал уагъд цæудзæн 11- 14 декабры Цӕцӕны сӕйраг горӕт Грозныйы.
"Хуыгаты Хетæг (94 кг онг) æмæ Наниты Тимур (105 кг онг) ерыс кæндзысты 12 декабры, Албегты Руслан (105 кг-æй фылдæр) та — 13 декабры. УФ президенты Кубок — уæззау атлетикæйы дунейон федерацийы гран-прийы серийы турнир, у квалификацион 2016 азы Олимпиаг хъæзтытæм", — дзырдӕуы хъусинаджы.
Турниры организатортæ сты уæззау атлетикæйы дунейон федераци, УФ спорты министрад, Цæцæны республикæйы хицауад, Уæрæсейы уæззау атлетикæйы федераци.