ЦХИНВАЛ, 28 ноя — Sputnik. Цӕгатирыстойнаг богалтӕ ссисты Къудухты Бесикы номарӕн уӕгъдибар хъӕбысхӕстӕй ӕхсӕнадӕмон турниры лидертӕ, фехъусын кодтой Sputnik Хуссар Ирыстоны фӕсивӕдон политикӕ, спорт ӕмӕ туризмы фӕдыл комитеты пресс-службӕйы.
"Ӕндӕр ӕмӕ ӕндӕр уӕзы категориты призон бынӕтты нымӕцмӕ гӕсгӕ турниры лидертӕ ссисты спортсментӕ РЦИ-Аланийӕ. Дыккаг бынат бацахстой Дагестаны спортсментӕ, ӕртыккаг бынат та адих кодтой Хуссар Ир ӕмӕ Кӕсӕг —Балхъары богалтӕ", — загътой пресс-службӕйы.
Турниры уӕлахиздзаутӕ ӕмӕ призерты схорзӕхджын кодтой кубоктӕ, майдантӕ ӕмӕ ӕхцайы лӕвӕрттӕй.
Зындгонд ирон хъæбысӕйхæцæг, олипмипаг хъæзтыты дыууæ хатты призер Къудухты Бесикы номарæн ӕхсӕнадӕмон гом турнир уӕгъдибар хъӕбысхӕстӕй уагъд ӕрцыд Хуссар Ирыстоны 25-27 ноябры ӕмӕ ӕрӕмбырд кодта уӕгъдибар хъӕбысӕйхӕцджыты Ирыстон, Кӕсӕг — Балхъар, Абхаз, Дегестан ӕмӕ Сомихстонӕй.
Турнир уагъд ӕрцыд Хуссар Ирыстоны уæгъдибар хъæбысхæсты федераци, Къудухты Бесикы номыл фонд, Спорт, туризм æмæ фæсивæдон политикæйы комитеты æмархайдæй.