ЦХИНВАЛ, 7 фев — Sputnik. Хуссарирыстойнаг авд æмбуархæцӕджы рамбылдтой панкратионæй Цæгат Ирыстоны чемпионаты фыццаг бынӕттӕ, фехъусын кодта Sputnik æмбуар хæсты тренер Уалыты Вахтанг.
Цхинвайлаг фæсивæд спорты ацы хуызы — панкратионы — архайдтой фыццаг хатт. Уымæй размæ спортсментӕ ерыс кодтой æмбуар хæстӕй. Бацæттæ сӕ кодтой тренертæ Хъуылымбегты Мамед æмæ Уалыты Вахтанг.
"Панкратион ӕмӕ æмбуар хæсты хсӕн ис бирӕ хицæндзинæдтæ. Фӕлӕ, ногдзинæдтæм æнæкæсгæйæ, нӕ спортсментӕ равдыстой хорз бæрæггæнӕнтæ, авдӕй бацахстой фыццаг бынӕттæ, се ‘хсӕн иу чызг Дыгъуызты Виктория дӕр", — радзырдта тренер.
Æвзонг чызг ацы ерысты баххæст кодта йæ сыгъзæрин хорзæхты нымæц — ацы сыгъзӕрин майдан Викторияйӕн ссис ӕвддӕсӕм.
