ЦХИНВАЛ, 24 июл — Sputnik. Дыууæ ирон сумоисты рамбылдтой сыгъзæрин майдантæ Ӕппæтдунейон хъæзтыты Польшæйы, хъусын кæны Цæгат Ирыстоны спорты министрады пресс-службæ.
"Мæргъиты Василий æмæ Хъазиты Ацæмæз ссисты иууыл тыхджындæртæ +115 кг уæзы категорийы. Финалон тохты ирон сумоисттæн бантыст рамбулын египеттаг спортсменты — Рами Белал æмæ Мисхаб Хоссамыл", — дзырдæуы хъусинаджы.
Ацы бонты польшæйаг горæт Вроцлавы райдыдтой X Ӕппæтдунейон хъæзтытæ. 4500 спортсменты дунейы 111 бæстæйæ тох кæнынц спорты 36 хуызы майдантыл.
Ӕппæтдунейон хъæзтытæ кæронмæ бахæццæ уыдзысты 30 июлы. Уыдон сты æхсæнадæмон ерыстæ спорты ахæм хуызты, кæцытæ нæ бацыдысты Олимпиаг хъæзтыты программæмæ æмæ уагъд цæуынц цыппар азы мидæг иу хатт.
