Бикойты Вадимы ног старт: ирон богал стох кæндзæн Уæрæсейы фыццагады

© Sputnik / Алексей КовалевБикойты Вадим
Бикойты Вадим - Sputnik Хуссар Ирыстон
Рафыссын
2017 аз ирон хъæбысæйхæцæгæн уадиссæг æнтыстджын нæ уыд, фæлæ ныр ног тыхтимæ фæнд кæны йе 'ввахс адæмы зæрдæтæ ног уæлахизтæй барухс кæнын

ЦХИНВАЛ, 17 ноя — Sputnik. Уæгъдибар стилы хъæбысæйхæцæг Бикойты Вадим стох кæндзæн æппæтуæрæсейон ерысты Хасавюрты, фехъусын кодта Sputnik спортсмены тренер Коцты Тамерлан.

Бикоев Вадим чемпион России по вольной борьбе - Sputnik Хуссар Ирыстон
Хъӕбысӕйхӕцӕджы фӕндаг политикӕмӕ

 Уæгъдибар хъæбысхæстæй æппæтуæрæсейон турнир 20 азы онг кары фæсивæды хсæн нысан у 16–20 ноябрьмæ.

"Бикойты Вадим архайдзæн 61 кг уæзы хуыцаубоны. Уадиссаг ахсджиаг ерыстæ нын не сты, уымæн æмæ уæлдæр æмвæзады ерыстæм афтыны фадæттæ нæ дæттынц. Уымæ æнæкæсгæйæ, Вадимæн фæлтæрддзинад райсынæн сты æнæмæнгхъæуæг", — загъта тренер.

Бикойты Вадим у 2014 азы дунейон ерысты æвзист майданы хицау ӕмӕ бирӕ алыгъуызон регионалон ерысты уæлахиздзау. 2016 азы Вадим ссис Уæрæсейы фыццагады уæлахиздзау, уыцы аз дунейы чемпионаты дæр ссис æртыккаг.

Ног хабӕртты лентӕ
0