06:50 26 ХУЫМГÆНÆНЫ МÆЙ 2018
Комкоммӕ эфир
Уæззау атлет Кæсæбиты Майрæм

Ӕрыгон хуссарирыстойнаг штангист райста "сыгъзæрин" Ханты-Мансийскы

© страница Ossetia News в сети facebook
Спорт
Чысыл дӕнцӕг
21 0 0

Ерысты фыццаг бон Кæсæбиты Майрæм рамбылдта сыгъзæрин майдан

ЦХИНВАЛ, 19 дек — Sputnik. Уæззау атлетикæйы хуссарирыстойнаг сывæллæтты скъолайы хъомылгæнинаг Кæсæбиты Майрæм ссис Ханты-мансийскаг автономон зылды гом чемпионат æмæ фыццагады уæлахиздзау. 12-аздзыд уæззау атлет йæ тыхтæ æвзæрста 42 килограммы онг уæзы категорийы, фехъусын кодта Sputnik спортсмены тренер Кæсæбиты Александр.

"Ерысты фыццаг бон Кæсæбиты Майрæм бацахста фыццаг бынат сылгоймæгтæ æмæ нæлгоймæгты æхсæн, 21 азы онг юниор æмæ юниоркæты æхсæн, 19 азы онг лæппутæ æмæ чызджыты æхсæн 42 килограммы онг уæзы категорийы. Тъæппы Майрæм фенын кодта 47 кг, схуысты та 67 кг", — загъта тренер.

Ерыстæ уагъд цыдысты 14-18 декабры горæт Нефтеюганскы. Æрыгон спортсмен ныр та йæхи цæттæ кæны Уæрæсейы фыццагадмæ (ацæудзæн 2018 азы февралы) олимпиаг резервы скъолайы Ханты-Мансийскы.

Спортсмен тренировкæ кæны Кæсæбиты Александр æмæ Наниты Аланы къухдариуæгады бын.

Кæсæбиты Майрæм уæззау атлетикæйы архайы ныр æртыккаг аз, ныридæгæн уый ссис Цæгат Ирыстоны дыууæ хатты чемпион.

Сӕйраг темӕтӕ