14:58 26 ЗÆРДÆВÆРÆНЫ МÆЙ
 2018
Комкоммӕ эфир
  • EUR72.12
  • USD61.67
Рæмонаты Сослан

Рæмонаты Сослан æрлæудзæн хъæбысхæстæй Уæрæсейы æмбырдгонды сæргъ Дунейы кубокы

© Sputnik / Константин Чалабов
Спорт
Чысыл дӕнцӕг
11 0 0

Уæрæсейы æмбырдгонд фæстаг хатт Дунейы кубок рамбылдта 2011 азы

ЦХИНВАЛ, 15 фев — Sputnik. Уæгъдибар хъæбысхæстæй Уæрæсейы æмбырдгонд Дунейы кубокы группæйон этапыл фембæлдзæн Куба, Казахстан æмæ Азербайджаны командæтимæ, дзырдæуы Уæрæсейы уæгъдибар хъæбысхæсты федерацийы сайтыл.

Уæрæсейаг командæты сконд фехъусын кæндзысты дыккаг сборы рæстæджы, кæцы ацæудзæн Адлеры февралы кæрон, фæлæ уал ныридæгæн бæрæг у, Уæрæсейы æмбырдгонды сæргъ кæй æрлæудзæн олимпиаг чемпион Рæмонаты Сослан. Уый тыххæй фехъусын кодта йæ сæрмагонд тренер Мæргъиты Анатолий.

Турнир ацæудзæн 7-8 апрелы Айова-Ситийы (АИШ), уым райсдзысты хайад Уæрæсе, АИШ, Гуырдзыстон, Иран, Япони, Куба, Казахстан æмæ Азербайджаны спортсментæ. Финалмæ рахиздзысты къордты уæлахиздзаутæ.

Фæстаг хатт Уæрæсейы æмбырдгонд рамбылдта Дунейы кубок 2011 азы, уæдæй фæстæмæ æнæаивгæ чемпион свæййы Иран.

Сӕйраг темӕтӕ