Гасситы Мурæт атахт Америкæмæ Усикимæ тохмæ йæхи цæттæ кæнынмæ

© Пресс-служба Федерации бокса РоссииОткрытая тренировка Мурата Гассиева
Открытая тренировка Мурата Гассиева - Sputnik Хуссар Ирыстон
Рафыссын
Боксер-профессионал Ирыстонæй фембæлдзæн WBSS финалы Александр Усикимæ 11 майы Саудовская Аравияйы

ЦХИНВАЛ, 15 мар — Sputnik. IBF æмæ WBA верситæм гæсгæ фыццаг уæззау уæзы дунейы чемпион боксæй Гасситы Мурæт атахт Америкæйы иугонд штаттæм, цы ран райдайдзæн йæхи цæттæ кæнын Александр Усикимæ тохмæ. Уый тыххæй РИА Новости фехъусын кодта боксеры менеджер Алексей Васильев.

Гасситы Мурæт - Sputnik Хуссар Ирыстон
Гасситы Мурæт загъта йæ прогноз Усикимæ тохы фæдыл

Ӕппæтдунейон боксерон суперсерийы (WBSS) финалы Гасситы Мурæт фембæлдзæн WBC æмæ WBO титулты хицау Александр Усикимæ. Тох хъуамæ ацыдаид 11 майы Саудовская Аравияйы, фæлæ февралы Уæрæсейы боксы федерацийы генералон секретарь Умар Кремлев фехъусын кодта, уагъд кæй æрцæудзысты бадзырдтæ ацы тох Уæрæсейы ауадзыны нысанæн.

Суперсерийы финалмæ фæндагыл Гасситы Мурæт 12-æм раунды арвыста нокауты WBA версимæ гæсгæ дунейы чемпион, кубæйаг Юниер Дортикосы.

Боксæй æппæтдунейон суперсерийы турнир райдыдта фарон сентябры æмæ балхынцъ уыдзæн 2018 азы майы. Йæ призон фонд у 50 милуан доллары бæрц. Уымæй дарддæр ма, турниры уæлахиздау райсдзæн Мухаммед Алийы номыл трофей.

Ног хабӕртты лентӕ
0