Цхинвайлаг 12 лæппуйы стох кæндзысты Кавказы тыхджындæр боксеры нæмттыл

© Куымæридтаты Родионы архивæй къамСывæллæтты боксы скъолайы хъомылгæнинæгтæ
Сывæллæтты боксы скъолайы хъомылгæнинæгтæ - Sputnik Хуссар Ирыстон
Рафыссын
Ацы фæсивæды фылдæр хай фыццаг хатт ерыс кæндзысты æцæгæлон зæххыл

ЦХИНВАЛ, 6 апр — Sputnik, Плиты Фатимæ. Хуссар Ирыстоны сывæллæтты æмæ æрыгон фæсивæды боксы скъолайы хъомылгæнинæгтæй 12 стох кæндзысты Минводты гом турниры Кавказы тыхджындæр боксерты нæмттыл, фехъусын кодта Sputnik скъолайы минæвар Кокойты Ирбег.

Ерыстæ цæудзысты 13-15 апрелы, архайдзысты дзы Цæгат Кавказы тыхджындæр чысыл боксертæ — 11-12 азы кары категори.

© Кокойты Ирбегы архивæй къамСывæллæтты боксы скъолайы хъомылгæнинæгтæ
Сывæллæтты боксы скъолайы хъомылгæнинæгтæ - Sputnik Хуссар Ирыстон
Сывæллæтты боксы скъолайы хъомылгæнинæгтæ

"Турнирмæ раразмæгонд æрцыдысты 2006-2007 æзты гуырд спортсменты ʻхсæн иууыл фæлтæрддæр æмæ тыхджындæртæ. Фæсивæд æвзæрст æрцыдысты Республикæйы фыццагады хатдзæгтæм гæсгæ. Уый фæстæ тренертæ, скъолайы разамонæг Кокойты Мураты къухдариуæгады бын, фæтыхджындæргонд режимы цæттæ кодтой фæсивæды æмæ рахицæн кодтой иууыл æнтыстджындæрты", — загъта Кокойты Ирбег.

Уый ма банысан кодта, ацы турниры цхинвайлаг фæсивæд кæй фæтох кæны æрвылаз дæр æмæ алыхатт дæр кæй æрхæссынц стыр сыгъзæрин "тыллæг".

"Ацы аз дæр равзæрстам аккаг спортсменты æмæ сæм æнхъæлмæ кæсæм хорз фæстиуджытæм. Лæппутæн сæ фылдæрæн уый уыдзæн сæ фыццаг фæлтæрддзинад фæсарæйнаг ерысты", — бафтыдта уый.

Ацы 12 лæппуйы Хуссар Ирыстоны сывæллæтты æмæ æрыгон фæсивæды боксы скъолайы цæттæ кæнынц тренертæ Плиты Азæмæт, Чехойты Алан, Дзигойты Ацæмæз, Куымæридтаты Родион æмæ Тедеты Алик.

Ног хабӕртты лентӕ
0