Цхинвайлаг штангист Икъаты Сæрмæт стох кæндзæн Уæрæсейы чемпионаты

© Sputnik / Наталья АйриянЦхинвайлаг штангист Икъаты Сæрмæт
Цхинвайлаг штангист Икъаты Сæрмæт - Sputnik Хуссар Ирыстон
Рафыссын
Ирон атлет хъавы юниорты ʻхсæн сæвæрын ног рекорд - æмткæй сисын 740 килограммы уæз

ЦХИНВАЛ, 18 май — Sputnik, Плиты Фатимæ. Хуссар Ирыстоны уæззау атлетикæйы скъолайы хъомылгæнинаг, дунейы дыууæ хатты чемпион Икъаты Сæрмæт афæндарст ис Уæрæсейы чемпионатмæ. Ирон спортсмен хъавы ерысты сæвæрын ног дунейон рекорд, фехъусын кодта Sputnik йæ тренер Плиты Артур.

Уæззау атлетикæ - Sputnik Хуссар Ирыстон
Тренеры хуызист: штангӕисӕг Плиты Артур æмæ йæ рекордсментӕ

Ерыстæ цæудзысты Краснодары 19-20 майы.

"Юниорты ʻхсæн æртæ хуызы ерысты хъавæм сæвæрын ног рекорд. Сæрмæт хъуамæ сиса æмткæй 740 килограммы, уый та у дунейы рекорд. Хорз цæттæ у æмæ, Хуыцауы фæрцы, Уæрæсейы чемпионаты хъуамæ дунейон бæрæггæнæн фæхуыздæр кæнæм", — загъта Плиты Артур.

Икъаты Сæрмæт 18 азæй фæстӕмæ рамбылдта 40 фыццаг бынаты хицæн æмвæзады ерысты. Нырма дæр ӕрыгӕтты ʻхсæн Сӕрмӕты рекорд у æнæсаст.

Икъаты Сæрмæт Цхинвалы цæттæ кæны уæззау атлетикæйы скъолайы тренертæ Плиты Артур æмæ Габаты Ацæмæзмæ. Скъолайæн разамынад дæтты Советон Гуырдзыстоны бирæ хатты чемпион, æхсæнадæмон классы спорты мастер уæззау атлетикæйæ Тасойты Олег.

Ног хабӕртты лентӕ
0