10:25 10 ЦЫППУРСЫ МÆЙ 2018
Комкоммӕ эфир
  • EUR76.08
  • USD66.92
Боксер Къæбысты Георгий Ӕфсæддон æрмкъух-ты уæлахиздзау

Боксер Къæбысты Георгий ссис "Ӕфсæддон æрмкъухты" уæлахиздзау Ростовы

© Sputnik / Кокойты Ирбегы архивæй къам
Спорт
Чысыл дӕнцӕг
53 0 0

Аннæ ирон æнтыстджын боксер Гæджиты Гурам кæд уæлахиздзауы пьедесталмæ не ʻсхызт, уæддæр йæ архайд турниры цæсты бахауд æмæ йæ рахицæн кодтой сæрмагонд приз – "Уæлахизмæ тырнынадæй"

ЦХИНВАЛ, 30 май — Sputnik, Плиты Фатимæ. Хуссар Ирыстоны Сывæллæтты æмæ æрыгон фæсивæды боксы скъолайы хъомылгæнинаг Къæбысты Георгий ссис "Ӕфсæддон æрмкъухты" гом фыццагады уæлахиздзау Ростовы, аннæ боксер Гæджиты Гурамы та рахицæн кодтой сæрмагонд приз "Уæлахизмæ тырнынад"-æй. Уый тыххæй Sputnik фехъусын кодта боксы скъолайы минæвар Кокойты Ирбег.

Ерысты Хуссар Ирыстоны номæй тох кодтой боксы скъолайы дыууæ тыхджындæр боксеры — Гæджиты Гурам æмæ Къæбысты Георгий. Лæппутæ нымад цæуынц сæ уæзы æмæ кары категориты тыхджындæртыл æгас Ирыстоны.

"Къæбысты Георгий ауагъта дыууæ тохы æмæ ныддæрæн кодта йæ ныхмæлæуджыты. Радон хатт та сбæлвырд кодта, фидар æмæ цæттæ боксер кæй у. Гæджиты Гурам турниры йæ фыццаг тохы фембæлд Уæрæсейы фыццагады призер, бынæттон лæппуимæ. Кæд æмæ лæмæгъдæр ницæмæй уыд, уæддæр фыццаг бынатыл фысым спортсмены сæвæрдтой. Фæлæ, уымæ æнæкæсгæйæ, Гурам тæрхонгæнджыты зæрдæтæ афтæ балхæдта æмæ кæд фембылд, уæддæр æй рахицæн кодтой сæрмагонд приз — уæлахизмæ тырнынадæй", — радзырдта Кокойты Ирбег.

Гæджиты Гурам  райста сæрмагонд приз
© Sputnik / Кокойты Ирбегы архивæй къам
Гæджиты Гурам райста сæрмагонд приз

Уый ма банысан кодта, цхинвайлаг дыууæ боксерæн турнирмæ ацæуыны фадат кæй сарæзта не ʻмзæххон, тренер Козаты Таймураз.

Владимир Ердыгины номарæн ерыстæ цыдысты 2004-2005 æзты гуырд спортсменты ʻхсæн 24-27 майы Ростовы.

Гæджиты Гурам æмæ Къæбысты Георгий цæттæ кæнынц боксы скъолайы тренертæ Кокойты Мурат, Дзигойты Ацæмæз, Плиты Азæмæт æмæ Чехойты Алан.

Сӕйраг темӕтӕ