23:55 16 ДЖЕОРГУЫБАЙЫ МÆЙ
 2018
Комкоммӕ эфир
  • EUR74.90
  • USD65.99
Ирыстойнаг дзюдоисттӕ бацахстой фыццаг бынат Грозныйы турниры

Ирыстойнаг дзюдоисттӕ бацахстой фыццаг бынат Грозныйы турниры

© Министерство спорта РСО-Алания
Спорт
Чысыл дӕнцӕг
17 0 0

Ерысты цӕгатирыстойнаг спортсментӕ рамбылдтой 17 хорзӕхы

ЦХИНВАЛ, 9 июл — Sputnik. Цӕгат Ирыстоны командӕ дзюдойӕ йӕхи хорз равдыста Цӕгат Кавказы Федералон зылды чемпионаты ӕмӕ бацахста фыццаг иумӕйаг командон бынат, хъусын кӕны республикӕйы спорты министрады пресс-службӕ.

Ерысты, кӕцытӕ цыдысты горӕт Грозныйы, цӕгатирыстойнаг спортсментӕ рамбылдтой 17 хорзӕхы — 8 сыгъзӕрин, 2 ӕвзист ӕмӕ 6 бронзӕ майданы.

"Фыццаг къӕпхӕнмӕ схызтысты Егиазар Карапетян, Битеты Давид, Джанайты Сослан, Лазарты Аланӕ, Бететы Бэла, Цирихты Дана, Габуйты Фатимӕ ӕмӕ Тасойты Айза. Ӕвзист майдантӕ рамбылдтой Луиза Харченко, Голойты Марина ӕмӕ Гӕджиты Алина. Армен Тадевосян, Дзукаты Сӕрмӕт, Икъоты Сослан, Цхуырбаты Ален, Кокайты Кристина ӕмӕ Джабиты Жанна ссисты турниры бронзӕйы призертӕ", — ранымадтой пресс-службӕйы.

Турниры уӕлахиздзаутӕ ӕмӕ призертӕ хайад райсдзысты Уӕрӕсейы чемпионаты дзюдойӕ, кӕцы цӕудзӕн октябры Грозныйы.

Сӕйраг темӕтӕ