Sputnik Фан-клубы ӕрдзырдтой хуссарирыстойнаг спорты уавӕрыл

© Sputnik / Наталья АйриянFanClub Sputnik
FanClub Sputnik - Sputnik Хуссар Ирыстон
Рафыссын
Фан-клубы хайадисджытӕ банысан кодтой республикӕйы спорты кӕцыдӕр хуызты райрӕзт

ЦХИНВАЛ, 12 июл — Sputnik. Sputnik Хуссар Ирыстоны Фан-клуб ӕртыццӕджы ногӕй ӕрбакодта йӕ дуӕрттӕ футбол уарзджытӕн.

Sputnik Фан-клуб у сӕрмагонд дискуссион фӕзуат, кӕцы сарӕзта информацион агентад спортивон бар "Лига Чемпионов"-ы, цӕмӕй республикӕйы размӕ кӕной спорты хуызтӕ. 

Актуалон фарстытыл ныхасмӕ ӕрбаиу сты Хуссар Ирыстоны ӕнӕниздзинад хъахъхъӕнынады министр Тотчиты Георгий ӕмӕ Аивадон гимнастикӕйы федерацийы президент Цхуырбаты Зема.

© Sputnik / Наталья АйриянЦхуырбаты Зема
FanClub Sputnik - Sputnik Хуссар Ирыстон
Цхуырбаты Зема

Фан-клубы хайадисджытӕ фыццаг ӕрдзырдтой хуссарирыстойнаг футболы актуалон проблемӕтыл. Футбол уарзджыты хъуыдымӕ гӕсгӕ, республикӕйы спорты ацы хуыз рӕзы сындӕггайдӕр иннӕтӕм абаргӕйӕ: гимнастикӕ, хъӕбысхӕст ӕмӕ бокс.

"Аивадон гимнастикӕ райста егъау популярондзинад республикӕйы. Махӕн ныридӕгӕн ис тыхджын командӕ, афтӕ ма нӕм фӕзынд лӕппутӕ дӕр ацы дисциплинӕйы", — загъта Цхуырбаты Зема.

Ӕнӕниздзинад хъахъхъӕнынады министр Тотчиты Георгийы хъуыдымӕ гӕсгӕ, аивадон гимнастикӕйӕн ис егъау потенциал нӕ бӕстӕйы ӕмӕ уый хорзӕй бандӕвта ӕвзонг фӕлтӕры ӕнӕниздзинадыл.

© Sputnik / Наталья АйриянFanClub Sputnik
FanClub Sputnik - Sputnik Хуссар Ирыстон
FanClub Sputnik

"Гимнастикӕйы йӕ бон у архайын алкӕмӕн дӕр: раздӕр алкӕцы нӕлгоймаг дӕр нымадтӕ йӕ хӕсыл спортивон гимнастикӕйӕ архайын", — загъта Тотчиты Георгий.

Ӕхсӕнадӕмон информацион агентад ӕмӕ радио Sputnik Хуссар Ирыстон байгом кодта Цхинвалы сӕрмагонд зонӕ футбол уарзджытӕн — Sputnik FanClub. Ӕнӕхъӕн мӕй спортивон бары территорийыл кусдзӕн фӕзуат футбол уарзджытӕн. Футбол уарзджыты радон фембӕлд фан-клубы уыдзӕн хуыцаубоны, 15 июны.

Ног хабӕртты лентӕ
0